2023 жылғы 6 маусымда сағат 11:56-да Астана қаласы ТЖД өрт сөндіру бөлімшелері Қ.Мұхамедханов, 21 мекенжайында паркингте өрт туралы келіп түскен хабарлама бойынша шықты, деп хабарлайды DKNews.kz.
Елордалық өрт сөндірушілер 7 минутта келгеннен кейін "Кристалл" ТҮК-нің паркингінде шамамен 100 ш.м. алаңда алты автомобиль және қойма үй-жайлары жанып жатқаны анықталды.
Өрт орнында дереу жедел штаб құрылды.
Сағат 14.33-те өрт оқшауланды, елордалық өрт сөндірушілердің күшімен барлығы 17 адам эвакуацияланды, оның ішінде 6 бала.
Өрт орнынан №1 ҚКА-ға "103" бригадасы 1969 жылы туған әйелді алып келді және ол "орташа ауырлықтағы көміртегі тотығымен улану"диагнозымен ауруханаға жатқызылды.
Арнайы машинаның көмегімен желдетілмеген паркингтен түтін шығару жүргізілді, тұрғындарды жоғарғы қабаттардан эвакуациялау өрт сатысының көмегімен жүргізілді.
Өрт сөндірушілер қатты ыстық, жоғары температура жағдайында өртпен күресті.
Елордалық өрт сөндірушілер шақырудың жоғары нөмірі бойынша өртті сөндіру бойынша жұмыс жасады. Өрттің себебі анықталатын болады.
Құрметті тұрғындар, Астана қаласының ТЖД өрт қауіпсіздігі ережелерін сақтауды ұсынады! Өрт болған жағдайда дереу 101 нөміріне қоңырау шалыңыз!
