ШҚО ТЖД психологиялық қызметінде 2 психолог және 1 психолог Жедел құтқару жасағында жұмыс атқарады, олар өз кәсібилігінің арқасында төтенше жағдайда адамдарға көмекке келеді, деп хабарлайды DKNews.kz.
«2023 жылы 19 азаматқа шұғыл психологиялық көмек көрсетілді, оның ішінде 6 суицидтің алдын алу жүзеге асты. Ауа-райының нашарлауына байланысты 2024 жылдың ақпан айында қиын жағдайға тап болған азаматтарға шұғыл психологиялық көмек көрсету үшін қаурыт желі телефоны ашылды, 35 азамат психологиялық көмекке жүгінді. Жақында психологтар суицидтің тағы бір жағдайының алдын алды», - деді ШҚО ТЖД психологы Светлана Андрусенко.
«Біз тек азаматтарға ғана емес, қызметкерлерімізбен де психологиялық көмек көрсету бағытында жұмыс істеп жатырмыз, өйткені олар көбінесе психологиялық қолдауды қажет етеді. Біз өрт сөндіру бөлімдеріне, құтқару бөлімшелеріне барып психологиялық дайындық жұмыстарын жүргіземіз, тренингтер мен арнайы сабақтар өткіземіз. Кез - келген қызметкер, мысалы үйінде отбасылық кикілжің орын алған болса немесе кейбір жұмыс сәттеріне байланысты алаңдаушылық туындаса бізге жеке кеңес алу үшін келуі мүмкін».
Жедел-құтқару жасағының құтқарушы психологы Оксана Петрова әр жағдай әр түрлі және сіз үнемі жаңа нәрсені үйренесіз деп санайды. "Өз шығуымды есіме алсам, жігіт 9-қабаттан секіргісі келді. Оқиға орнына келіп, баспалдақ алаңына көтеріліп, терезенің әйнегін қағып, аяғын төмен түсіріп, секіремін деп қорқытқан жас жігітті көрдім. Әңгіме басталып, "суициденттің" назарын аудардым, содан кейін қасында отырдым. Осы уақытта құтқарушылар шатырдан арқанмен ақырын түсе бастады. Операция басталды. Мен әңгімелесушіні алаңдатып, әріптестерім қасына келгенге дейін және ғимараттың ішіне қауіпсіз аймаққа жігітті итеріп жібергенше ұзақ сөйлестім. Риддерде, дала өрті болған кезде, біздің дәрігерлермен бірлесіп, адамдармен жұмыс істедім және менің түсінгенім бұл тактика жақсы нәтиже береді. Олар медициналық көмек көрсетіп жатқанда, мен зардап шеккендермен сөйлесіп, көмектестім. Ең бастысы, олар өздерінің қиыншылықтарына адамдардың бей-жай қарамайтынын сезінеді. Көмекке келетін жандардың бар екенін сезінеді. Жақында гаражда жабылып, туыстарының қоңырауларына жауап бермеген адаммен диалог жүргіздім. Диалогтан кейін "келісімге" қол жеткізілді және ер адам байланысқа шықты.
«Балалармен жұмыс істеу кезінде біз олардың ата-аналарымен жұмыс істеуге көбірек көңіл бөлеміз. Бала, егер ата-анасының күресіп жатқанын сезсе, бәрі жақсы екенін, қорғалғанын түсінеді. Біз зардап шеккен адаммен жұмыс істеу кезінде оның ресурстарын табуымыз керек, ол кейінірек оған өзі үшін маңызды жағдайды жеңуге көмектеседі. Мысалы, отбасы-бұл ресурс және ол арқылы зардап шегушіге жол табуға болады», - деп бөлісті ШҚО ТЖД Өрт сөндіру қызметінің психологы Дина Тоқтарханова.
- Төтенше жағдай орын алғанда, сіздің қызметіңіз неден басталады?
Светлана Андрусенко: бәрі жағдайға байланысты. Арнайы дайындалған диалог болмайды. Біз шығуға жиналып жатқанда, барлық ақпаратты, мәліметтерді мүмкіндігінше жинауға тырысамыз. Ал келгеннен кейін ситуацияға байланысты қарым-қатынас орнатамыз. Кейде «Сәлеметсіз бе, қалыңыз калай?» деп бастасақ, кейде бүкіл схеманы құру керек болады...
2018 жылы Глубокое ауданының Алтай қаласында, «Белоусовка», «Прогресс» ауылдарында су тасқынынан зардап шеккен бірнеше аудандарда жұмыс істедік. Эвакуациялық пункттерге орналастырылған халық қолдауды, назар аударуды қажет етті және бұл ұзақ, бірақ маңызды жұмыс уақыты болды. Әрбір зардап шеккен адаммен жеке, жағдайға байланысты сөйлестік.
- Психологтар өздерімен бірге оқиға орнына не алып шығады?
Светлана Андрусенко: су, термостағы шай, жылы көрпеше, майлықтар, балаларға арналған ойыншықтар, Құран мен Библия салынған қысқа мерзімді психотерапиялық көмек көрсету үшін қажетті құралдар жиынтығы бар сөмке.
- Ал құтқарушыларға неге психологтардың көмегі керек?
Оксана Петрова: өйткені олар да адамдар. Олар сондай-ақ жарақат алады, шаршайды, отбасылары мен қарым-қатынастары бар. Психолог қандай да бір мазасыздықпен, жағдаймен және тұлғааралық қатынастарда қалай әрекет ету керектігі туралы ұсыныстар бере алады. Мен көптеген тренингтер, сабақтар өткіземін, бізде қызметкерлерге арналған психологиялық жеңілдеу кабинеті бар. Психолог әр құтқарушыны бүкіл қызмет ету кезеңінде психологиялық сүйемелдейді. Алдын-ала кәсіби іріктеуден өту кезінде барлық қызметке үміткерлер психологпен міндетті сұхбаттасудан өтеді.
