Орал қаласында өз класындағы алғашқы көпфункционалды кеменің құрылысы жалғасуда, деп хабарлайды DKnews.kz.
Әскери-теңіз күштерінің бас қолбасшысы генерал-майор Серік Борамбаев Орал қаласында болып, әскерлерді техникалық жарақтандыру және жауынгерлік кемелер паркін жаңарту мәселелері бойынша бірқатар кездесулер өткізді.
Қорғаныс-өнеркәсіп кешені кәсіпорындарында тараптар кемелерді сатып алу, қызмет көрсету және жаңғырту саласындағы ынтымақтастық мәселелерін талқылады.
«Зенит» зауытында Әскери-теңіз күштерінің бас қолбасшысы 750 мың тонна су сыйымдылығы бар көпфункционалды көмекші кеменің құрылыс барысымен танысты. Қазақстандық кәсіпорын үшін мұндай сипаттағы кеме құрастыру ауқымды жоба болмақ.
Әскери-теңіз күштерімен ынтымақтастық аясында «Зенит» зауыты 250 мың тонна сыйымдылығы бар төрт зымыран-артиллериялық кемесі мен 12 мың тонналық арнайы қайық шығарды.
«Гидроприбор» ҒЗИ» АҚ басшылығымен кездесу барысында кәсіпорынның мүмкіндіктері талқыланып, робототехникалық жабдықтарды жөндеу, қызмет көрсету, оларға қосалқы бөлшектерді жеткізу және т. б. мәселелер қаралды. Бұдан өзге гидрографиялық жұмыстарды жүргізуге арналған кеме Әскери-теңіз күштеріне өтеусіз берілетін болады.
Сонымен бірге генерал-майор Серік Борамбаев Батыс Қазақстан облысы әкімінің орынбасары Бақытжан Нарымбетовпен кездесіп, Әскери-теңіз күштері арасындағы өзара іс-қимыл мәселесін талқылады.
«Орал» зымыран-артиллериялық кемесіне Орал қаласының шефтік көмек көрсетуі туралы Меморандумның қолданылуын қалпына келтіру мәселесі қаралды.
