Елордалық құтқарушылар лифт ішінде қалып қойған балаларға көмекке келді, деп хабарлайды DKnews.kz.
Бүгін Астана қаласының Есіл ауданындағы тұрғын үйлердің бірінде 3-4 қабаттардың аралығында лифтте екі бала қалып қойды.
Шақыру орнына келген құтқарушылар "Фомка" әмбебап ломның көмегімен лифт есігін ашып, 2014 және 2015 жылы туған балаларды құтқарды.
Балалар ата-аналарына табысталды. Оларға медициналық көмекке қажет болмады.
