Бұқар Жырау ауданы Ботақара кентінің тумасы Ақжан Шыныбек Alash Star халықаралық байқауында бірінші орынды иеленді. Қазылар алқасы оның вокалдық шеберлігін жоғары бағалады, деп хабарлайды DKnews.kz.
Flash Star халықаралық көп жанрлы байқауы Астанада өтті. Ақжан Шыныбек "Халық әні" номинациясында өнер көрсетті.
– Мен қазақ ақыны Біржан салдың "Айтпай" композициясын орындадым. Жалпы, мен үшінші сыныптан бастап домбырада ойнаймын және ән айтамын, халықтық, дәстүрлі қазақ әндерін жақсы көремін. Бұл мен үшін жай ғана хобби емес, – дейді жеңімпаз.
Ақжан Шыныбек 20 жаста, Е. А. Бөкетов атындағы ҚарУ студенті. Болашақта ол өз өмірін өнермен байланыстырып, кәсіби әнші және домбырашы болғысы келеді.
