Мемлекет басшысының өкімімен Рақымжан Ерназар ҚР Президенті Әкімшілігінде лауазымды қызметке ие болды.
Ақорда мәліметіне сүйенсек, Рақымжан Ерназар Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі болды.
Мемлекет басшысының өкімімен Рақымжан Серікбайұлы Ерназар Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымына тағайындалды Ақорда
Бұл ретте, Айдын Құлсейітов қызметінен кетті.
Мемлекет басшысының өкімімен Айдын Жеңісұлы Құлсейітов Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымынан босатылды Ақорда
Рақымжан Ерназар 1988 жылы дүниеге келген. 2010 жылы Қазақстан-Британ техникалық университетін (бакалавр дәрежесі) тәмамдады; 2011 жылы техника және технология магистрі дәрежесін алды.
2011 жылдан 2016 жылға дейін – "Технологиялық даму жөніндегі ұлттық агенттік" АҚ-да Талдамалық бағыт бойынша түрлі лауазымдарда жұмыс істеді.
2016 жылдан 2018 жылға дейін "Қазақстандық индустрияны дамыту институты" АҚ стратегиялық жобалар Орталығының директоры болды.
2018 жылдан 2020 жылға дейін – ҚР Тұңғыш Президенті Қоры жанындағы "Әлемдік экономика және саясат Институты" корпоративтік қорының "Стратегиялық зерттеулер және болжау" бағдарламасының жетекшісі.
2020 жылдан 2023 жылға дейін Қазақстан Республикасы Президенті Әкімшілігінің Стратегиялық жоспарлау бөлімі меңгерушісінің орынбасары қызметін атқарды.
2023 жылдың тамыз айынан бастап Президент Әкімшілігінің Стратегиялық жоспарлау бөлімінің меңгерушісі болды.
Соңғы лауазымы – Президент Әкімшілігінің Әлеуметтік-экономикалық саясат бөлімі меңгерушісінің орынбасары.
