Air Astana Булат Өтемұратов Қорының Autism Friendly жобасына қосылды. Жоба аутизм спектрі бар балалардың өмір сапасын жақсартуға арналған қолдау жүйесін дамыту мен енгізуге бағытталған, деп хабарлайды DKnews.kz.
Бұл бастама аясында әуекомпания қызметкерлеріне арналған оқыту тренингі өтті. Сонымен қатар, «Асыл Мирас» аутизм орталықтарының балалары салған суреттері негізінде балаларға арналған бояу кітапшалары дайындалып, сәуір бойы Air Astana рейстерінде таратылатын болады.
Әуекомпанияның жобаға қатысуы 2 сәуірде атап өтілетін Аутизм мәселесі туралы ақпараттандыру дүниежүзілік күні аясында аутизм туралы ақпаратты таратуға және осы мәселеге деген қоғамның назарын аударуға септігін тигізеді.
