2025 жылғы тамызда жолаушылар және жүк әуе тасымалдарының өсуі, деп хабарлайды DKNews.kz.
Халықаралық әуе көлігі қауымдастығы (IATA) 2025 жылғы тамыз айындағы әлемдік әуе тасымалдары бойынша деректерді жариялады.
Жолаушылар тасымалы:
- Жалпы сұраныс (RPK) 4,6% өсті, ал жалпы өткізу сыйымдылығы (ASK) 4,5% артты.
- Жүктелу коэффициенті 86%-ға жетіп (+0,1 б.п.), тамыз айы үшін рекорд орнатты.
- Халықаралық тасымалдар 6,6%, ішкі тасымалдар 1,5% өсті. Халықаралық тасымалдар өсудің негізгі драйвері болып, тамыздағы әлемдік жолаушылар ағынының жалпы өсімінің 87%-ын қамтамасыз етті.
- Негізгі драйверлер — Қытай (+11,8%) мен Жапония (+12%), сондай-ақ Бразилиядағы өсім болды.
- Солтүстік Америка әуе компаниялары төрт ай қатарынан халықаралық рейстерде жүктелу коэффициентінің жылдық төмендеуін тіркеп отыр.
Жүк тасымалы:
- Сұраныс (CTK) 4,1% артты, халықаралық тасымалдар — 5,1% өсті.
- Өткізу сыйымдылығы 3,7% (+5,5% халықаралық рейстерде) көбейді.
- Көшбасшылар — Африка (+11,0%) және Азия–Тынық мұхиты аймағы (+9,8%).
- Ең қарқынды бағыт — Еуропа–Азия (+13%), ол қатарынан 30 ай бойы өсім көрсетті.
IATA
«Тамыз айы рекордтық жазғы маусымды растады: жолаушылар әуе тасымалына сұраныс 4,6%-ға өсіп, жүктелу коэффициенті тарихи 86%-ға жетті. Экономикалық белгісіздік пен жаһандық саудадағы өзгерістерге қарамастан, сала тұрақтылық танытып отыр: әуе компаниялары қуаттылықты арттырып, ағындарды қайта бөлу арқылы жоғары сұранысты қанағаттандыру үшін барын салуда. Ал жүк әуе тасымалына келсек, ол қатарынан алты ай бойы оң көрсеткішті (+4,1%) көрсетті. Жаһандық сауда ағындарындағы өзгерістерге қарамастан, саланың икемділігі мен жүктерді қайта бөлу тұрақты өсімді қамтамасыз етіп отыр», — деді IATA бас директоры Уилли Уолш.
