«Таза Қазақстан» акциясы аясында елорданың №101 жалпы білім беру мектебінде Энергияны үнемдеу күніне арналған салтанатты іс-шара ұйымдастырылды, деп хабарлайды Астана әкімдігінің ресми сайты.
Айта кетейік, №101 мектеп елорданың алғашқы оқу орындарының бірі болып, OMIR сертификаты бойынша энергия үнемділігі мен экологиялық тиімділігі үшін күміс белгіге ие болған, деп хабарлайды DKNews.kz.
Мектепте энергия үнемдеу саласына арналған арнайы сынып ашылды. Ол оқушылардың ресурстарды тиімді пайдалану жөніндегі білімін арттырумен қатар, қоршаған ортаға жауапкершілікпен қарауды қалыптастыруға бағытталған.
Іс-шараға Мәжіліс депутаттары, «Электроэнергетика және энергияны үнемдеу институты» АҚ басқармасы басшылары, Қазақстанның экологиялық құрылыс кеңесі өкілдері және басқа құрметті қонақтар қатысты.
Мереке аясында Нұра ауданының мектептері арасында энергия үнемдеу тақырыбындағы сурет байқауының жеңімпаздары марапатталды. Балалардың жұмысы креативтілігімен және тақырыпты терең түсінуімен ерекшеленіп, энергияны тиімді пайдалану мен экологияны қорғаудың маңыздылығын көрсетті.
«Бұл жетістік мектептің тұрақты даму, ресурстарды тиімді пайдалану және экологиялық тәрбиелеу саласында үлгі болуға ұмтылысын көрсетеді. Мұндай бастамалар жас ұрпақта экологиялық жауапкершілік ойлауын қалыптастырады және табиғатты сыйлауды үйретеді. Энергияны үнемдеу мен экологиялық мәдениет біздің өміріміздің маңызды бөлігіне айналуы тиіс, әрбір оқушы саналы азамат болып, әлемді жақсарта алады», – деп атап өтті ұйымдастырушылар.
