Марафон қатысушыларына әуебилет жеңілдігі беріледі. Turkistan Marathon 2026 жарысына тіркелген жүгірушілер Алматы мен Астанадан Түркістанға барып-қайту билеттерін 30% жеңілдікпен сатып ала алады. Әуекомпанияның хабарлауынша, 25 қазанда өтетін марафонға орай қосымша рейстер де жоспарланған, деп хабарлайды DKNews.kz.
30% жеңілдік алу үшін тіркеліп, жарна төлеу қажет
Арнайы ұсыныс FlyArystan мен «Бірінші болу – батылдық» корпоративтік қорының серіктестігі аясында қолданылады. Жеңілдік жарысқа тіркелген қатысушыларға жеке промокод арқылы беріледі.
Промокод алу және оны пайдалану тәртібі:
- Turkistan Marathon 2026 жарысына тіркелу.
- Қатысу жарнасын төлеу.
- Ұйымдастырушылардан жеке промокод алу.
- Әуебилетті рәсімдеу кезінде промокодты қолдану.
Ұсыныс Алматы — Түркістан — Алматы және Астана — Түркістан — Астана бағыттарына арналған. Промокодпен билетті тек әуекомпанияның ресми сайтында немесе мобильді қосымшасында рәсімдеуге болады.
Түркістанға қосымша рейстер 24–26 қазанда орындалады
FlyArystan марафон өтетін кезеңде Алматы мен Астанадан Түркістанға рейстер санын арттырды. Қосымша ұшулар 24–26 қазан аралығына жоспарланған.
Бұл қатысушыларға Түркістанға жарыс қарсаңында келіп, марафоннан кейін қайту уақытын таңдауға мүмкіндік береді. Қосымша рейстерді жарыс қонақтары да пайдалана алады, ал 30% жеңілдік тіркелген қатысушыларға ұсынылады.
Стандартты тарифке 7 кг қол жүгі кіреді
Әуекомпанияның стандартты тарифіне салмағы 7 кг-ға дейінгі бір дана қол жүгі кіреді. Оның өлшемі 56 × 23 × 36 см болуы керек.
Сапарды жоспарлаған кезде қатысушылар билет шарттарымен бірге алып жүретін жүгінің салмағы мен көлемін де ескергені жөн.
FlyArystan Run Club мүшелері де марафонға қатысады
Түркістандағы жарысқа әуекомпания қызметкерлері де шығады. Олар жүгіруге қызығатын және белсенді өмір салтын ұстанатын әріптестерді біріктіретін FlyArystan Run Club корпоративтік қауымдастығының мүшелері.
FlyArystan Turkistan Marathon марафонына екінші жыл қатарынан қолдау көрсетіп келеді. Биылғы ұсыныс қатысушыларға жеңілдікпен билет алуға және қосымша рейстер арқылы сапар уақытын таңдауға мүмкіндік береді.
Бұған дейін біз Turkistan Marathon қарсаңында FlyArystan қосқан рейстер туралы жазған едік. Қосымша ұшулар жарысқа бір күн қалғанда келіп, марафоннан кейін қайтуға жоспарланған.
