Көптеген күтпеген факторлардың әсеріне тап болған Қытай экономикасы қысымға төтеп беріп, жалпы тұрақтылықты сақтап қалды. Қытайдың жалпы ішкі өнімі (ЖІӨ) 2022 жылы жылдық есептеуде 3% өсіп, 121,0207 трлн юаньға (шамамен 17,95 трлн АҚШ долларына), рекордтық көрсеткішке жетті, деп көрсетеді сейсенбіде Ұлттық статистика бюросы (ҰСБ) жариялаған мәліметтер.
Қытай экономикасы жаһандық экономикаға барған сайын тығыс және қарқынды интеграциялануда. Доллармен есептегенде, құрлық Қытайға нақты пайдаланылған тікелей шетелдік инвестициялар (ТШИ) жылдық есептеуде 8%-ға өсіп, 2022 жылы 189,13 млрд АҚШ долларын құрады.
Бас кеден басқармасының (GAC) мәліметі бойынша, елдің тауар айналымы 42,07 трлн юань болып, жылдық есептеуде 7,7 пайызға артып, алтыншы жыл қатарынан әлемде бірінші орында тұр. GAC мәліметінше, бұл көрсеткіш бірінші рет 40 трлн юаньнан асып отыр. 3 пайыздық өсу қарқыны, 2022 жылы әлемнің ең ірі экономикалары арасында салыстырмалы түрде жоғары өсу қарқыны Қытай экономикасының жоғары тұрақтылығын, орасан зор әлеуетін және зор өміршеңдігін көрсетеді.
Халықаралық валюта қоры (ХВҚ) Қытайдың 2023 жылы тұрақты экономикалық өсімге қол жеткізіп, әлемдік экономиканың ең үлкен оң факторы болатынын мәлімдеді. Жақында Дүниежүзілік экономикалық форумның президенті Борге Бренде Қытайдың COVID-19-ға қарсы әрекетін оңтайландыруы неғұрлым күшті өсуге және жаһандық өсуді күшейтетінін айтты.
2023 жылы Қытай тұтынуды кеңейтуге, жеке кірісті бірнеше арналар арқылы арттыруға және негізгі ұлттық жобаларды салуға қатысу үшін көбірек жеке капиталды тартуға басымдық беру арқылы ішкі сұранысты ынталандыруға назар аударады. Қытай экономикасы күшті өсуді көрсетеді деп күтілуде және оның динамикасы айтарлықтай артады.
