Қытайдың бюджеттік кірістері 2023 жылдың алғашқы төрт айында тұрақты өсу қарқынын сақтап қалды, деп көрсетеді бейсенбіде жарияланған ресми деректер. Қытай Қаржы министрлігінің мәліметінше, осы кезеңде ел бюджетінің кірісі жылдық есептеуде 11,9%-ға өсіп, 8,32 трлн юаньға жетті (шамамен 1,19 трлн АҚШ доллары).
Бұл өсім ішінара ел экономикасын қалпына келтірудің жалғасуына байланысты болды, деді министрлік өкілі. Қосылған құн салығын қайтару сияқты факторлардың әсерін есептемегенде, бюджет кірісі өткен жылмен салыстырғанда 4 пайызға өсті.
Осы кезеңде орталық үкімет 3,76 трлн юаньға жуық салық түсімдерін жинап, бұл көрсеткішті 8,6%-ға ұлғайтты, ал жергілікті билік органдары 4,56 трлн юаньнан астам салық жинап, 14,8%-ға көбейтті. Қаңтар мен сәуір аралығында салық түсімдері шамамен 7,04 трлн юаньді құрады, бұл өткен жылмен салыстырғанда 12,9%-ға артық.
Осы кезеңде бюджеттік шығындар жылдық есептеуде 6,8 пайызға артып, шамамен 8,64 трлн юаньға жетті. Статистикалық деректер Қытайдың экономикалық және әлеуметтік дамудың әлсіз буындары мен негізгі бағыттарына қазыналық жұмсалымдарды ұлғайта отырып, қажетті шығындардың қарқындылығын сақтағанын көрсетті.
