ҚХР Ғылым және технология министрлігі сәрсенбі күні Бейжіңді 2025 жылға қарай ірі халықаралық ғылыми-технологиялық инновациялық орталыққа айналдыру жөніндегі жұмыс жоспарын жариялады.
Жоспарды ғылыми-техникалық дамуды жеделдету және қаланы жаһандық инновациялық орталыққа айналдыру мақсатында 12 департамент бірлесіп әзірледі.
Жоспар математика, физика, химия және өмір туралы ғылымдар сияқты салалардағы іргелі зерттеулерге қолдау көрсетуді, сондай-ақ жасанды интеллект және биотехнология сияқты салаларда озық ғылыми зерттеулерді ұйымдастыруды көздейді. Зерттеу және әзірлеу жұмыстарына (ҒЗТКЖ) қаржылық шығындар аймақтық ЖІӨ-нің шамамен 6 пайызын құрайды. Бұл ретте іргелі зерттеулер ҒЗТКЖ шығындарының шамамен 17%-ын құрауы тиіс.
Жоғары технологиялы өндірістердің жылдық қосылған құны 1,2 трлн юаньнан асады (шамамен 172 млрд АҚШ доллары), ал ғылыми-зерттеу және тәжірибелік-конструкторлық жұмыстарда жұмыс істейтіндердің саны, жоспар бойынша, әрбір 10 000 жұмыс істейтін адамға шаққанда шамамен 260 адамды құрайды.
