Гуандун-Гонконг-Макао Үлкен шығанағы аймағындағы инвестицияны тарту іс-шарасында жалпы сомасы шамамен 2,24 триллион юань (шамамен 312 миллиард АҚШ доллары) болатын 859 инвестициялық және сауда мәмілесіне қол қойылды. Бұл туралы Синьхуа агенттігіне шараны ұйымдастырушылар хабарлады.
Гуандун, Гонконг және Макао үкіметтері бірлесіп ұйымдастырған шараға әлемнің түкпір-түкпірінен, соның ішінде АҚШ, Ұлыбритания, Германия және Франциядан жетекші компаниялар, кәсіби ұйымдар және сауда бірлестіктері қатысты.
Жаңа буын электроника, жаңартылатын энергия көздері, озық материалдар, экологиялық таза мұнай-химия және жасанды интеллектті қамтитын жобалар аймақтың заманауи өнеркәсіп құрылымын нығайтуға және жоғары сапалы өсуді қамтамасыз етуге арналған, дейді шара ұйымдастырушысы.
Таза энергия бастамалары іс-шараның маңызды оқиғасы болды және Гуандун-Солтүстік Америка таза технология сессиясы АҚШ бизнес көшбасшыларын біріктірді. АҚШ-Қытай Таза технологиялар орталығының негізін қалаушы және атқарушы директоры Фэн Ань Қытай мен Америка Құрама Штаттарының таза технология, таза энергетика және климаттық технологиялар саласындағы ынтымақтастығы үшін кең әлеуетті атап өтіп, осы секторлардағы бизнестің күшті өсуін болжады.
