Шри-Ланка президенті Ранил Викремесингхе сапармен келген Қытай мемлекеттік кеңесінің мүшесі Шэнь Ицинмен кездесті.
Викрмесингхе Шри-Ланкаға ұзақ мерзімді құнды қолдауы мен көмегі үшін Қытайға алғыс айтып, Шри-Ланка «Белдеу және жол» бастамасы аясындағы бірлескен ынтымақтастықты табанды түрде қолдайды және Қытай кәсіпорындарын Коломбо порты қаласы мен Хамбантота халықаралық портының құрылысына жәрдемдесу үшін елге инвестициялауға шақырады. Шри-Ланка бір Қытай саясатын қатаң ұстанады және Шри-Ланканың әлеуметтік-экономикалық дамуына жәрдемдесу үшін Қытаймен достық алмасу мен ынтымақтастық тереңдейді деп үміттенеді.
Шэнь өз тарапынан Қытайдың Шри-Ланкамен қарым-қатынасына үлкен мән беретінін және екі ел басшыларының қол жеткізілген бәтуаластықты шындап жүзеге асыру үшін Шри-Ланка тарапымен жұмыс істеуге дайын екенін айтты.
Екі тарап бір-бірінің негізгі мүдделерін қозғайтын мәселелер бойынша міндеттемелерін қолдайды, жоғары сапалы ынтымақтастықты бірлесіп дамытады және бірлескен жобалар мен «Белдеу және жол» жаһандық бастамасы аясында шынайы өзара көмегіне және тұрақты ынтымақтастығына негізделген Қытай мен Шри-Ланканың стратегиялық серіктестігін дамытуда жаңа жетістіктерге жету үшін бірге жұмыс істейді.
Дүйсенбіде Шэнь сонымен қатар Шри-Ланка премьер-министрі Динеш Гунавардена және парламент спикері Махинда Япа Абейварденамен кездесті.
Xinhua Silk Road - Belt and Road Portal, China
