2026 жылдың қаңтар-ақпан айларында Қытайдың жалпы қоғамдық бюджетінің кірістері жылдық есеппен 0,7% өсіп, шамамен 4,42 трлн юаньды /шамамен 640,81 млрд АҚШ доллары/ құрады, деп хабарлайды Xinhua.
Бұл туралы Қытай Қаржы министрлігі бейсенбі күні жариялаған деректерде айтылған.
Осы кезеңде орталық деңгейдегі жалпы қоғамдық бюджет кірістері 1,92 трлн юаньды құрап, өткен жылдың сәйкес кезеңімен салыстырғанда 1,7% төмендеді. Ал жергілікті бюджеттердің меншікті кірістері жылдық есеппен 2,6 пайызға өсіп, 2,5 трлн юаньға жетті.
Алғашқы екі айда елдің салық түсімдері 3,64 трлн юаньды құрап, жылдық есеппен 0,1% артты. Салықтық емес түсімдер 3,4% өсіп, 776,1 млрд юаньға жетті.
Қытайдың бюджет шығыстары осы кезеңде жылдық есеппен 3,6% өсіп, 4,67 трлн юань болды. Оның ішінде орталық бюджет шығыстары 4,5%, ал жергілікті бюджет шығыстары 3,5% артты.
Қаңтар-ақпан айларында әлеуметтік қамсыздандыру және жұмыспен қамтуға жұмсалған шығындар 927,9 млрд юаньды құрап, жылдық есеппен 8,6% өсті. Денсаулық сақтау саласына жұмсалған шығындар 411,9 млрд юаньға жетіп, өткен жылмен салыстырғанда 17,3% артты.
