Ресми деректерге сәйкес, 2024 жылдан бері Қытайда заң талаптарын сақтамаған 5600-ден астам қаржы ұйымы жабылды, деп хабарлайды Xinhua.
Қытайдың Қаржылық реттеу жөніндегі мемлекеттік басқармасының мәліметінше, 2025 жылдың желтоқсан айының соңына қарай елдегі алты санаттағы жергілікті қаржы ұйымдарының саны жылдық есеппен 26 пайызға азайған, бұл тарихи максимуммен салыстырғанда 55 пайызға төмен көрсеткіш.
Бұл алты санатқа микронесиелік компаниялар, қаржылық кепілдік беретін компаниялар, ломбардтар, қаржылық лизинг компаниялары, коммерциялық факторинг компаниялары және жергілікті активтерді басқару компаниялары кіреді.
2024 жылдан бастап Қытай осы алты санаттағы жергілікті қаржы ұйымдарын мақсатты түрде реттеу шараларын күшейтті. Соның нәтижесінде байланыс орнату мүмкін болмаған, «қалқан» компаниялар ретінде әрекет еткен немесе заңнаманы өрескел бұзған ұйымдар таратылып, нарықтағы құқық бұзушылықтарға қарсы қатаң шаралар қабылданды.
