Қытай алғаш рет жоғары оқу орындары мен ғылыми-зерттеу институттарының патенттік базасын толық түгендеуді аяқтады. Бұл жұмыс аясында 1,3 млн-нан астам патент қамтылды, деп хабарлайды Xinhua.
Тексеру барысында коммерцияландыруға әлеуеті жоғары 680 мың өнертабыс патенті анықталып, оларды нарыққа шығару үшін 460 мың компанияға ұсынылды.
Бұл жұмыс 2023 жылы басталған үш жылдық арнайы бағдарлама аясында жүргізілді. Соңғы үш жылда 2700-ден астам университет пен ғылыми ұйымнан 80 мыңға жуық патент нарыққа шығарылды.
2025 жылдың соңына қарай университеттерде патенттерді енгізу деңгейі 10,1 пайызға, ғылыми-зерттеу институттарында 17,2 пайызға жетті.
