Қытай басқа елдермен бірлесіп Көміртек нарығы талаптарын сақтау жөніндегі ашық коалицияны (OCCCM) көміртек нарықтары саласындағы халықаралық ынтымақтастықтың ашық, инклюзивті және тиімді платформасы ретінде дамытуға дайын. Бұл туралы Италияда өткен OCCCM жоғары деңгейдегі алғашқы отырысында Қытай Экология және қоршаған орта министрінің орынбасары Ли Гао мәлімдеді.
Ли Гаоның айтуынша, Қытай анағұрлым тиімді әрі ықпалды көміртек нарығын қалыптастыруды жеделдетіп жатыр және халықаралық қауымдастықпен «жасыл» әрі төмен көміртекті даму саласындағы тәжірибесімен, сондай-ақ көміртек квоталары саудасы жүйесін құру тәжірибесімен бөлісуге әзір.
Ол климаттық басқару және көміртек нарықтарын дамыту саласындағы халықаралық өзара іс-қимылды күшейту жаһандық шығарындыларды азайту мақсаттарына қол жеткізу және тұрақты дамуды ілгерілету үшін маңызды екенін атап өтті.
