Қытай Жерді қашықтан зондтауға арналған «Яогань-53» және «Яогань-56» спутниктерінің екі жаңа тобын белгіленген орбиталарға сәтті шығарды. Елдің солтүстік-батысындағы Цзюцюань ғарыш айлағынан жүзеге асырылған ұшыру Long March сериялы зымыран тасығыштардың 666-шы миссиясы болды.
Спутниктер Бейжің уақыты бойынша сағат 17:00-де «Чанчжэн-4Б» (Long March-4B) зымыран тасығышының көмегімен ұшырылды.
Жаңа ғарыш аппараттары ғылыми эксперименттер жүргізуге, жер және табиғи ресурстарды зерттеуге, ауыл шаруашылығы дақылдарының өнімділігін бағалауға, сондай-ақ табиғи апаттарды бақылауға, олардың алдын алуға және салдарын азайтуға арналған.
Бұл ұшыру Қытайдың Жерді қашықтан зондтау спутниктері тобын одан әрі кеңейтті. Олардан алынатын деректер ғылыми зерттеулер жүргізу және табиғи ресурстардың жай-күйін бақылау үшін пайдаланылады.
