Қытайдың «Мэнсян» (Mengxiang, «Арман») мұхиттық бұрғылау кемесі шамамен 5 мың метр тереңдікке жетіп, терең теңіз бұрғылауы бойынша ұлттық рекорд орнатты.
Жұмыстар Оңтүстік Қытай теңізінің бассейнінде жүргізілді. Бұрғылау барысында мамандар үлкен тереңдіктен базальт үлгілерін сәтті алды, деп хабарлады Қытай Халық Республикасының Табиғи ресурстар министрлігі.
Қол жеткізілген тереңдік Қытайдың терең теңіз бұрғылауы саласындағы жаңа ұлттық рекордына айналып, едәуір тереңдікте зерттеу жұмыстарын жүргізу мүмкіндігін көрсетті.
Оңтүстік Қытай теңізінен алынған базальт үлгілері алдағы ғылыми зерттеулерге материал ретінде пайдаланылады.
