Қытай Қарулы күштері Филиппиннің C-208 ұшағын Хуанъяньдао аралының үстіндегі әуе кеңістігінен шығарды. Бұл туралы Қытай Халық-азаттық армиясы Оңтүстік аймағы жауынгерлік қолбасшылығының ресми өкілі Чжай Шичэнь хабарлады.
Оның айтуынша, әуе кемесі Қытай үкіметінің рұқсатынсыз арал үстіндегі әуе кеңістігіне кірген. Бұған жауап ретінде Қытай тарапы ұшақты қадағалау және бақылау үшін әскери-теңіз және әскери-әуе күштерін жұмылдырды. Осыдан кейін әуе кемесіне ескерту жасалып, ол аталған әуе кеңістігінен шығарылды.
Чжай Шичэнь Бейжің Хуанъяньдаоны Қытай аумағының ажырамас бөлігі деп санайтынын, ал Филиппин тарапының әрекетін ел егемендігін бұзу және теңіз бен әуеде оқиғалардың туындау қаупін арттыратын фактор ретінде бағалайтынын мәлімдеді.
Қолбасшылық өкілі Филиппинді мұндай әрекеттерді тоқтатуға шақырды. Оның айтуынша, Қытай Халық-азаттық армиясының Оңтүстік аймағы жауынгерлік қолбасшылығының бөлімшелері ұлттық егемендік пен қауіпсіздікті қорғау үшін жоғары жауынгерлік әзірлікті сақтап отыр.
