Қазақстан Сыртқы істер министрінің орынбасары Ермұхамбет Қоныспаев пен Ресей Сыртқы істер министрінің орынбасары Андрей Руденконың төрағалығымен екіжақты саяси консультациялар өтті, деп хабарлайды Деловой Қазақстан.
Іс-шара барысында тараптар саяси, сауда-экономикалық және мәдени-гуманитарлық салалардағы екіжақты ынтымақтастықтың өзекті мәселелерін егжей-тегжейлі талқылады.
Атап айтқанда, екі ел арасында дәстүрлі сенімді саяси диалог орнағаны, екіжақты көпжоспарлы ынтымақтастықтың барлық спектрі бойынша өзара іс-қимылдың жоғары деңгейі қалыптасқаны атап өтілді.
Сонымен қатар, мемлекет және үкімет басшыларының, сондай-ақ сыртқы істер министрлерінің қатысуымен өтетін алдағы іс-шараларға, Орынборда ү.ж. қарашада өтетін Өңіраралық ынтымақтастық форумына және басқа да жоғары деңгейдегі халықаралық іс-шараларға дайындық барысы қаралды. Кездесу барысында екі елдің ЕАЭО, ТМД, ҰҚШҰ және басқа да халықаралық ұйымдар шеңберіндегі интеграциялық бірлестіктердегі өзара іс-қимылының перспективалары бойынша пікір алмасылды.
Тараптар келесі жылы Қазақстан астанасында кезекті сімаралық консультациялар өткізу мүмкіндігін қарастыруға келісті.
