Air Astana IOSA пайдалану қауіпсіздігі бойынша 9-шы аудиттен сәтті өтті, деп хабарлайды DKNews.kz.
Air Astana әуекомпаниясы халықаралық әуе көлігі қауымдастығының пайдалану қауіпсіздігі бойынша тоғызыншы аудитінен сәтті өтті. Әуекомпания алғаш рет 2007 жылы аудиттен өтті және екі жыл сайын қауіпсіздік стандарттарына бейілділігін сәтті растады.
IOSA аудиті-әуекомпаниялардағы өндірісті бақылау және басқару жүйелерін бағалауға арналған халықаралық танылған тексеру жүйесі. IOSA бағдарламасы БҰҰ-ның Халықаралық Азаматтық авиация туралы Конвенциясына қосымшалардың ішінен ИКАО қауіпсіздігінің барлық қолданылатын талаптарын қабылдайды.
2023 жылы аудит кезінде компанияның барлық салаларында мыңға жуық IOSA стандарттары мен ұсынылған тәжірибелерінің құжаттамасы мен орындалуы расталды. Оларға корпоративтік ұйымдастыру және басқару жүйелері, ұшуды орындау, ұшуды басқару және диспетчерлік қызмет, ұшаққа техникалық қызмет көрсету, борттық қызмет көрсету, ұшаққа жерүсті қызмет көрсету, жүктермен операциялар және авиациялық қауіпсіздік жатады.
Келесі аудит 2025 жылы өтеді.
