Қарағандыда Серік Сәпиевтің жүлдесіне арналған республикалық турнирге қатысқан боксшілер қатары қалың болды, деп хабарлайды DKNews.kz.
Қарағандыда ХХХ Жазғы Олимпиада ойындарының чемпионы, ҚР еңбек сіңірген спорт шебері, Вэл Баркер кубогының иегері Серік Сәпиевтің жүлдесіне 14–15 жас аралығындағы спортшылар арасында ХІ ашық республикалық турнир өтуде.
Биыл турнирге Өзбекстан, Қырғызстан, Тәжікстан, Әзірбайжан, Моңғолия және Қазақстан боксшыларының рекордтық саны қатысуда – барлығы 178 адам.
"Мұндай жарыстар Қарағандыда әрқашан жоғары деңгейлі боксты дамытуға және насихаттауға көмектеседі. Мен турнир қатысушыларының олимпиада және әлем чемпиондары болғанын қалаймын. Бұл жарыстар Олимпиада ойындарындағы жеңісімнен кейін бірден өткізіле бастады" Серік Сәпиев
Бокстан жарыс екі күнге созылады, осы уақыт ішінде 100-ден астам жекпе-жек өтті.
"Біз жартылай финалистерді анықтадық. Жартылай финалға барлық төрт шет елдік спортшылар мен республикамыздың 14 облыстары қатысуда. Қарағанды өңірінен 19 спортшы өтті. Барлық салмақ дәрежесінде ең мықты жұптар анықталды. Өзбекстан, Тәжікстан, Әзірбайжан және Қарағанды өкілдері мықты өнер көрсетуде. Биыл алғаш рет электронды төрешілік енгізілді, көрермен төрешінің әр раундтағы шешімін толық көреді" жарыстың бас төрешісі, АИБА МК төрешісі Қайрат Ғалымтаев
"Сондай-ақ, барлық шет ел спортшылары бізге өз төрешілерін ұсынды" Қайрат Ғалымтаев
14 жастағы Дониёр Нарзуллаев - Өзбекстан чемпионы, спорт шеберіне үміткер, бокспен сегіз жыл айналысады.
"Өзбекстаннан 14 спортшы келдік. Мен 60 кг салмақ дәрежесінде өнер көрсетемін. Жартылай финалға өткеніме қуаныштымын. Серік Сәпиев туралы естідім және оның қандай керемет боксшы екенін білемін. Мен жеңіске дайынмын" Дониёр Нарзуллаев
Турнир жеңімпаздары 14 салмақ дәрежесі бойынша анықталады - 44-тен + 80 килограмға дейін. Жүлделі орындарға ие болған спортшылар дипломдармен және медальдармен, сондай-ақ Самұрық-Қазына және Sport Qory турнирінің бас демеушісінен ақшалай сертификаттармен және сыйлықтармен марапатталады.
