Қазақстан мен Еуроодақ су ресурстарын сақтау бойынша бірлесіп жұмыс істеуге келісті

1123
Фотосурет: Gov

ҚР су ресурстары және ирригация министрі Нұржан Нұржігітов Еуроодақтың Орталық Азиядағы арнайы өкілі Терхи Хакаламен кездесті. Тараптар су саласындағы екіжақты ынтымақтастық мүмкіндіктерін талқылады, деп хабарлайды DKNews.kz.

Арнайы өкіл Еуроодақ елдері Қазақстанмен су ресурстарын сақтау мәселелері бойынша өзара іс-қимыл жасауға ниетті екенін мәлімдеді. Атап айтқанда, министрлік әзірлеп жатқан Жаңа Су Кодексі және Орталық Азияда халықаралық су-энергетикалық консорциум құру жоспарлары туралы әңгіме болды.

Нұржан Нұржігітов ЕО елдері халықаралық Аралды құтқару қорына қолдау көрсетіп жатқанын атап өтіп, көлді қалпына келтіру жобасының екінші кезеңі туралы айтып берді. Оны іске асыру келесі жылы басталуы тиіс.

Сондай-ақ, министр елімізде жаңадан құрылып жатқан Каспий теңізінің ғылыми-зерттеу институтымен өзара іс-қимыл шеңберінде Каспийді сақтау жөніндегі бастамаға Еуропалық Одақтың қатысуына қызығушылық білдірді.

«Қазақстан су ресурстарын сақтау бойынша көршілес мемлекеттермен ғана емес, Еуропа елдерімен де ынтымақтастық орнатуға ниетті. Сонымен қатар, қазіргі уақытта еліміз үшін ирригациялық жүйелерді қалпына келтіру, гидротехникалық құрылыстарды реконструкциялау және жерасты суларын барлау сияқты мәселелер өзекті болып отыр. Біз табысты ынтымақтастық орната алатын бағыттарды анықтай аламыз деп ойлаймын» Cу ресурстары және ирригация министрі Нұржан Нұржігітов
Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -