Қазақстанның Ұлттық қорғаныс университеті Өзбек әскери қызметшілерін қабылдады

5390
Фотосурет: Gov

Ұлттық қорғаныс университетіне Өзбекстан әскери қызметшілері келді, деп хабарлайды DKNews.kz.

Астанаға Өзбекстан Республикасы Қарулы күштері академиясы бастығының орынбасары подполковник Собир Авлиеевтің басшылығымен делегация келді.

Қазақстан Республикасы Ұлттық қорғаныс университетінің бастығы генерал-майор Асқар Мұстабеков шетелдік әріптестерді оқу орнының ғылыми-эксперименттік базасымен таныстырды.

Әскери университеттің магистранттары, докторанттары мен оқытушыларына Өзбекстан Қарулы күштері академиясының әскери сарапшылары дәріс сабақтарын өткізді. 

Тараптар ұлттық қауіпсіздік, стратегия және жедел әскери өнердің өзекті мәселелері бойынша пікір алмасты. 

Өзбекстан әскери қызметшілері одан басқа ҚР Қарулы күштерінің Мемлекеттік әскери-тарихи музейіне барып, елорданың көрікті жерлерімен танысты.

Бұл шара Қазақстан мен Өзбекстан қорғаныс министрліктері арасындағы 2024 жылға арналған әскери ынтымақтастық жоспарына сәйкес ұйымдастырылды.

«DKnews.kz» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKnews.kz» © 2006 -