Қазақстан мен Люксембург екіжақты байланыстарды кеңейтуге ниетті, деп хабарлайды DKnews.kz.
Қазақстанның Елшісі Марғұлан Баймұхан Люксембургке барды, онда Ұлы Герцогтігінің Ұлттық күніне арналған салтанатты шараларға қатысты, сондай-ақ саяси және дипломатиялық топ өкілдерімен кездесті. Қазақстандық дипломат Люксембургтің көрнекті саяси қайраткерлерін Ұлттық күні – Ұлы Герцогтің туған күнімен құттықтады, сондай-ақ елдің Сыртқы және Еуропа істері министрлігінің өкілдерімен алдағы іс-шараларды талқылады.
Люксембург Парламентінің Бас хатшысы Лоран Щичпен кездесу Қазақстан-Люксембург парламентаралық диалогының перспективаларына арналды. Парламенттік делегациялардың сапарларымен алмасу мәселелері талқыланды.
Люксембург парламентшілері қазақстандық әріптестерін биыл Люксембургке келуге шақырды. Қазақстандық дипломат Президент Қасым-Жомарт Тоқаевтың бастамасымен Қазақстанда жүргізіліп жатқан саяси және экономикалық реформаларға ерекше назар аударды.
Сонымен қатар, М. Баймұхан Қазақстан мен Люксембург барлық бағыттар бойынша өзара тиімді ынтымақтастықты тереңдетуді жалғастыруда екенін, және парламентаралық диалогты нығайту екіжақты қарым-қатынастарға қосымша серпін беретінін атап өтті.
Л. Щиктің айтуынша, Қазақстан Люксембург пен Орталық Азия аймағы арасындағы байланысты нығайтуда өте маңызды рөл атқарады. Бұл ретте, Люксембург Парламенті Төрағасының орынбасары Фернан Этген Қазақстанмен парламентаралық ынтымақтастықты нығайтуды толық қолдайтынын атап өтті.
Ұлы Герцогтігінің Қаржы мониторингі бөлімінің (FIU) басшысы Макс Браунмен жеке кездесу барысында Қазақстан мен Люксембург қаржы агенттіктерінің қаржылық қылмыстарды анықтау және оған қарсы күрес, сондай-ақ активтерді қайтару саласындағы ынтымақтастығы талқыланды.
М. Браун қазақстандық әріптестерімен ынтымақтастықты жандандыруға дайын екенін білдірді. Екі елдің қаржы агенттіктері арасында ынтымақтастық туралы меморандум жасау мәселесін пысықтау туралы келісімге қол жеткізілді. Сонымен қатар, Қаржы мониторингі басқармасы қазақстандық әріптестерін 2025 жылы Люксембургке сапармен келуге шақырды, сондай-ақ жақын арада қазақстандық контр-әріптестермен онлайн келіссөздер жүргізуге дайын екенін білдірді.
