Ашхабадта Қазақстан-Түрікменстан ынтымақтастығының даму перспективалары талқыланды, деп хабарлайды DKnews.kz.
Түрікменстанның Сыртқы істер министрі Рашид Мередов елдегі дипломатиялық миссиясын аяқтап жатқан Қазақстанның Түрікменстандағы Елшісі Асқар Тәжібаевпен кездесті.
Әңгіме барысында саяси-дипломатиялық, сауда-экономикалық және мәдени-гуманитарлық сипаттағы басым бағыттар бойынша Қазақстан-Түрікменстан ынтымақтастығының қазіргі жағдайы мен даму перспективалары мәселелері қозғалды.
Кездесу соңында сыртқы саяси ведомствосының басшысы Елшіге екіжақты Қазақстан-Түрікменстан қатынастарын нығайту ісіне қосқан үлесі үшін алғысын білдіріп, одан әрі қызметіне табыс тіледі.
Өз кезегінде Елші Түрікменстандағы дипломатиялық миссиясын жүзеге асыруға жан-жақты қолдау көрсеткені және жәрдемдескені үшін түрікмен тарапына шын жүректен ризашылығын білдірді.
