Қазақ мемлекеттілігін нығайту тарихы Польшаның жоғары қызығушылығын тудырды, деп хабарлайды DKnews.kz.
мәдени ынтымақтастықты тереңдету шеңберінде еуропалық астанада режиссер Ақан Сатаевтың көрермендерді қазақ мемлекеттілігінің нығаю тарихымен таныстырған «Ұлы дала таңы» фильмінің көрсетілімі өтті.
Іс-шараға дипломатиялық корпус өкілдері, Польшаның парламентарийлері, қоғамдық-саяси және бизнес топтарының қайраткерлері, сондай-ақ қазақстандық студенттер қатысты.
Қазақстанның Польшадағы Елшісі Әлім Қирабаев өзінің кіріспе сөзінде орта ғасырлардан бастау алған Қазақстан мен Польша ынтымақтастығы дамуының негізгі кезеңдеріне назар аударды және тарихи фильмдерді танымал ету екі ел халықтарының одан да жақындасуына, әрі өркениетаралық диалогты байытуға жәрдемдесу арқылы мәдени мұраны түсінуге айтарлықтай ықпал ететінін атап өтті.
Көрсетілімінен кейін көрермендер терең ойлар туғызған фильмге қатысты өз әсерлерімен бөлісті. Атап айтқанда, іс-шара қонақтары Қасым хан тұсында Қазақ хандығының өркендеуіне алып келген тарихи маңызды оқиғаларға ерекше тоқталды.
Сондай-ақ, көрермендер қазақ халқының ежелгі бай салт-дәстүрлері мен мәдени ерекшеліктері, соның ішінде әскери стратегиялар, салт-дәстүрлер мен тұрмыстар туралы көп ақпарат алғандарын атап өтті.
