Анталияда туристік байланыстарды кеңейту мүмкіндіктері талқыланды, деп хабарлайды DKnews.kz.
Қазақстанның Анталиядағы Бас консулдығы «Туристік ынтымақтастықтың жаңа көкжиектері: түрік саяхатшылары үшін Қазақстанның әлеуеті» тақырыбында дөңгелек үстел ұйымдастырды.
Іс-шараға туризм саласының өкілдері, сондай-ақ Қазақстан мен Түркия сарапшылар мен журналистері жиналды.
Дөңгелек үстелдің негізгі мақсаты Қазақстанның туристік секторының әлеуетін, сондай-ақ түрік туристері арасында Қазақстанның туристік мүмкіндіктерін ілгерілету перспективаларын талқылау болды.
Іс-шараны аша отырып, Қазақстанның Анталиядағы Бас консулы Қуат Канафеев Қазақстанның түрік туристері үшін тартымды бола алатын бірегей табиғи, тарихи және мәдени ресурстары бар екенін атап өтті. Ол Қазақстанның халықаралық аренадағы беделін көтеруге көмектесетін туризм саласында қабылданып жатқан қолдау шаралары туралы егжей-тегжейлі айтып берді.
Сонымен қатар, Қ. Канафеев ҚР Үкіметінің туризм саласындағы жобаларға инвестициялық преференциялар беруіне назар аударды.
Талқылау барысында Дөңгелек үстелге қатысушылар еліміздің туристік артықшылықтары туралы пікір алмасты, сонымен қатар Қазақстанда түрік туристеріне арналған туристік өнімді қалыптастыру перспективаларын талқылады.
Талқылауға қатысушылар Қазақстан мен Түркия арасындағы туристік байланысты нығайту елдеріміз арасындағы сауда-экономикалық ынтымақтастық пен мәдени алмасуды кеңейту жолындағы маңызды қадам болатынына сенім білдірді.
