Кишинёвте Қазақстан мен Молдова арасындағы энергетикалық диалогты дамыту мәселелері талқыланды, деп хабарлайды DKnews.kz.
Қазақстанның Молдовадағы Елшісі Алмат Айдарбеков Молдова Республикасының Энергетика министрі Дорин Жүнгиетумен кездесті.
Сұхбат барысында Қазақстан Елшісі сұхбаттасын жоғары лауазымға тағайындалуымен құттықтап, екіжақты қарым-қатынастарды дамыту жолындағы өзара іс-қимылға дайындығын білдірді.
Тараптар сондай-ақ екі ел арасындағы ынтымақтастықтың қазіргі жағдайы мен перспективаларын және оны кеңейту мәселелерін талқылап, 2025 жылы үкіметаралық комиссия өткізудің маңыздылығын атап өтті.
А. Айдарбеков Министрді сауда-экономикалық, инвестициялық және мәдени-гуманитарлық байланыстардағы оң динамика туралы хабардар етті. Қазақстандық дипломат қолда бар жақсы экономикалық әлеует контекстінде Қазақстан-Молдова бизнес-кеңесінің және Молдова өңірлерінде Қазақстанның құрметті консулдарының институционалдық желісінің құрылғанын атап өтті.
Өз кезегінде Д. Жүнгиету өз ведомствосының басымдықтарын ұсынды, оның ішінде еліміздегі жаңартылатын энергияны дамытуда Қазақстанның энергетика секторындағы инвестициялық қызметіне қызығушылық танытты.
Министр Молдованың Қазақстандағы елшілігінің ашылуын ерекше құптап, екіжақты Қазақстан-Молдова қатынастарын тереңдетуге ұмтылысын білдірді. Сұхбат барысында Молдова серіктесі «Kazakhstan Energy Week – 2025/XVI KAZENERGY Еуразиялық форумына шақырылды».
Кездесу қорытындысы бойынша тараптар екіжақты ынтымақтастықтың барлық спектрі бойынша тәжірибе алмасу үшін жұмыс байланыстарын қолдауға келісті.
