ЕАБР БАӘ қаржы нарығынан 200 млн дирхам тартты: қаржы Орталық Азия жобаларына бағытталады, деп хабарлайды DKnews.kz.
Евразия даму банкі (ЕАБР) Біріккен Араб Әмірліктерінің қаржы нарығында дебюттік облигациялар шығарды. Аталған жеке орналастыру форматына негізделген мәміле ОАӘ-дегі жетекші қаржы ойыншылары – First Abu Dhabi Bank (FAB) және Абу-Даби даму қорының (ADFD) қолдауымен жүзеге асты.
Облигациялардың жалпы көлемі – 200 млн дирхам (шамамен 54 млн АҚШ доллары). Қаражат Орталық Азия елдеріндегі инфрақұрылымдық және өндірістік жобаларға бағытталады. Бұл – көлік, энергетика, логистика, цифрлық инфрақұрылым сияқты бағыттарда интеграциялық ықпалы бар ірі бастамаларды қамтиды.
Орталық Азия мен Таяу Шығыс арасындағы жаңа қаржылық көпір
Бұл – ЕАБР-дың дирхам валютасында шығарған екінші облигациялық қадамы. 2025 жылдың сәуірінде Банк Astana International Exchange (AIX) биржасында алғашқы облигациялық шығарылымды орналастырып, ОАӘ ұлттық валютасындағы алғашқы ашық эмитент атанған болатын.
Жаңа мәміле — банктің қаржыландыруды әртараптандыру стратегиясының бір бөлігі ғана емес. Бұл Орталық Азия мен Таяу Шығысты жақындастыратын нақты экономикалық қадам.
«Біз Орталық Азия мен Таяу Шығыс арасындағы тұрақты байланыс орнатудамыз»
ЕАБР Басқарма төрағасының орынбасары Данияр Иманғалиев бұл орналастыруды былайша сипаттады:
«Дирхам валютасында БАӘ нарығынан қаражат тарту — бұл ЕАБР-дың елдер арасындағы тұрақты даму жобаларын қаржыландыру үшін қаржыландыру көздерін әртараптандырудағы кезекті нақты қадамы. Әсіресе, жуырда Қазақстандағы Astana International Exchange биржасында дирхамдағы облигацияларды орналастырудан кейін.
Біз ОАӘ-нің қарқынды дамып келе жатқан қаржы нарығындағы жергілікті инвесторлармен өзара тиімді әрі сенімді байланыс орнату арқылы тек қаржыландыру көздерін кеңейтіп қана қоймай, Орталық Азия мен Таяу Шығыс арасындағы экономикалық әріптестікті де нығайтып келеміз. Бұл мәміле біздің Евразиядағы гүлденуді көздейтін миссиямызбен толық үйлеседі».
Абу-Даби даму қоры: біз Орталық Азияға инвестиция салуға дайынбыз
Абу-Даби даму қорының (ADFD) Бас директоры, Мәртебелі Мохаммед Саиф әл-Сувайди мәміленің маңыздылығын келесідей сипаттады:
«Евразия даму банкімен және First Abu Dhabi Bank-пен арадағы стратегиялық әріптестік – ADFD-нің жаһандық даму серіктестіктерін нығайтуға, сондай-ақ БАӘ-нің қаржы экожүйесінің мүмкіндіктерін шетелдерде тұрақты өсімді қолдау үшін пайдалануға дайындығын айғақтайды.
Бұл дирхам валютасындағы алғашқы облигациялық шығарылымды жүзеге асыра отырып, біз Орталық Азиядағы жоғары тиімді жобаларға қолдау көрсетуді мақсат етеміз. Бұл бастамалар – экономикалық ілгерілеуді жеделдетуге, тұрақтылықты арттыруға және даму қаржыландыруындағы инновация арқылы интеграцияны нығайтуға бағытталған біздің миссиямызбен тікелей байланысты».
FAB: өңірлік капитал нарығы үшін жаңа стандарт
Жобаға жетекшілік еткен FAB инвестициялық банкинг және нарықтар тобының басшысы Линос Леккас бұл мәмілені өңірлік нарық үшін серпіліс деп атады:
«Евразия даму банкі шығарған дирхам валютасындағы облигацияларды жеке орналастыру бойынша FAB-тың эксклюзивті мандаты – өңірлік капитал нарықтары үшін өзінше бір “серпіліс”.
Абу-Даби даму қорымен бірлесе ұйымдастырылған 200 млн дирхамдық мәміле ЕАБР-пен серіктестігімізді нығайтып, өңірде инновациялық қаржы шешімдерін ілгерілетуге деген дайындығымызды дәлелдеді. Бұл – БАӘ аумағында дирхаммен алғаш рет жүзеге асырылған надұлттық ұйымның шығарылымы. Ол өңірлік капитал нарықтары үшін жаңа стандарт орната отырып, Орталық Азияда тиімді дамуды қолдауға бағытталған».
Анықтама: ұйымдар туралы қысқаша
🔹 Евразия даму банкі (ЕАБР) – интеграциялық жобаларға маманданған халықаралық даму банкі. 19 жылдан астам уақыт ішінде банк 16,5 млрд доллар көлемінде 305 жоба қаржыландырды. Ең ірі бастамалар – көлік, энергетика, цифрлық инфрақұрылым, ауыл шаруашылығы мен өнеркәсіп салаларына бағытталған. Банк БҰҰ-ның Тұрақты даму мақсаттары мен ESG қағидаттарына сүйенеді.
🔹 Абу-Даби даму қоры (ADFD) – 1971 жылы құрылған мемлекеттік даму институты. Әлемнің 100-ден астам елінде инфрақұрылым, энергетика, білім, денсаулық сақтау салаларында жобаларды қаржыландырған.
🔹 First Abu Dhabi Bank (FAB) – актив көлемі 1,31 трлн дирхамды (356 млрд доллар) құрайтын ОАӘ-нің ірі банкі. 20 елде жұмыс істейді. Moody’s (Aa3), S&P (AA-) және Fitch (AA-) рейтингтері бар. ESG көрсеткіші бойынша әлемдегі үздік 6% банктердің қатарында.
Қаржы — шекарадан тыс ынтымақтастық құралы
ЕАБР-дың дирхаммен шығарған облигациясы – бұл жай ғана қаржылық мәміле емес. Бұл – Орталық Азия мен Таяу Шығыс арасындағы тұрақты және сенімді экономикалық әріптестікті нығайтатын нақты қадам. Жаңа форматтағы әріптестік – өңірлік даму үшін заманауи шешімдердің жолын ашатын маңызды бастама.
