9 шілде — осы күні Алматыда өтетін QAZAQ INVEST FORUM 2025 еліміз үшін ғана емес, бүкіл өңір үшін маңызды инвестициялық оқиға болмақ. Форум аясында Қазақстан жалпы көлемі 5,25 трлн теңге немесе 10 миллиард АҚШ доллары болатын Kazakh-Asia Investment Fund халықаралық қорын таныстырады, деп хабарлайды DKnews.kz.
Қор не үшін құрылады?
Бұл қор жасыл энергетика, экология, инфрақұрылым және тұрақты өнеркәсіп салаларындағы нақты жобаларды қаржыландыруға бағытталады. Қаражат тексерілген бизнес-жоспарлар мен өтінімдер негізінде бөлінетін болады. Яғни нақты нәтижеге жұмыс істейді.
Алғашқы келісімдер – 224,7 млрд теңгеге
Форум барысында жалпы сомасы 224,7 млрд теңге болатын бірқатар инвестициялық келісімдер мен меморандумдарға қол қойылады. Олардың қатарында:
- Қаптама қағазын шығаратын зауыт – 12,6 млрд теңге
- Тетрапак қалдықтарын өңдеу (SUNNY PAPER) – 12,4 млрд теңге
- Күн панельдерін өндіру зауыты (Сингапур) – 34,5 млрд теңге
- Электромобильдерге арналған тежегіш жүйелер (Zichen Group) – 41,8 млрд теңге
Сонымен қатар, сандық логистика, қалдықтарды қайта өңдеу, экологиялық құрылыс материалдары мен су ресурстарын басқару жобалары ұсынылады.
Қытаймен стратегиялық әріптестік — назарда
Форум Қасым-Жомарт Тоқаев пен ҚХР Төрағасы Си Цзиньпин 2025 жылғы маусымда қол қойған стратегиялық келісім аясында өтеді. Бұл құжат инвестиция, технология, экология және капиталды қорғау бағыттарындағы екіжақты әріптестікті нығайтуға бағытталған.
Форумның негізгі мақсаты:
- Тікелей шетелдік инвестицияларды тарту
- Жасыл экономика мен болашақ индустрияларды дамыту
- Инновациялық стартаптар мен өңірлік жобаларға қолдау көрсету
- Қазақстанның Орталық Азиядағы инвестициялық хаб ретіндегі позициясын күшейту
Қатысушылар:
Форумға мемлекеттік және халықаралық ірі компаниялардың өкілдері қатысады:
- Дархан Сатыбалды, Алматы қаласының әкімі
- ҚР СІМ, Энергетика, Экология, Көлік және Индустрия министрліктері
- ҚХР Бас консулы Цзян Вэй ханым
- Алматы қаласы мен Алматы, Жамбыл, Жетісу, Ұлытау облыстарының әкімдіктері
- Alibaba Group, China Railway, TEDA Environmental, Netflix International, Zichen Group, EWPARTNERS және басқа да ірі шетелдік инвесторлар
Форум бағдарламасы
Өтетін орны: «Бақшасарай» қабылдау үйі, Алматы
Күні мен уақыты: 2025 жылғы 9 шілде, сағат 10:00–18:00
Бағдарламада:
- Пленарлық сессия: «Қазақстанның жаңа геоэкономикалық жағдайдағы инвестициялық әлеуеті»
- Панельдік пікірталастар: жасыл технологиялар, Қазақстан–Қытай серіктестігі, өңірлік даму
- Өңірлік жобалардың таныстырылымы
- B2B және B2G кездесулер
- Келісімдер мен меморандумдарға қол қою
Қазақстан инвесторларға не ұсынады?
- 25 жылға дейінгі салық және кедендік жеңілдіктер
- Инвестицияларды қорғауға мемлекеттік кепілдіктер
- Визалық және әкімшілік рәсімдердің жеңілдетілген тәртібі
- Kazakh Invest, AIFC және АЭА арқылы толық қолдау
- Барлық рұқсаттар мен рәсімдер бойынша "бір терезе" қызметі
QAZAQ INVEST FORUM 2025 — инвесторға арналған жаңа дәуірдің бастауы
«Инвесторға арналған экожүйе» деген ұранмен өтетін форум — Қазақстанның инвестициялық саясатын жаңа деңгейге шығаруға бағытталған. Бұл ел өзін тұрақты, сенімді және технологиялық серіктес ретінде көрсетіп отыр. Форум — жай іс-шара емес, бұл жаңа инвестициялық толқынның бастауы.
