Ethereum қаңтар айының екінші жартысына айтарлықтай жақсарған нарықтық көңіл-күймен кіріп отыр. ETH бағасы жақын апталарда $4000 деңгейіне дейін өсуі мүмкін. Мұндай болжамды CoinEx криптовалюта биржасының ТМД аймағындағы өңірлік менеджері Мал Зейн жасады, деп хабарлайды DKNews.kz.
Сарапшының айтуынша, қазіргі таңда Ethereum үшін бағаның өсуіне алғышарт болатын бірнеше маңызды фактор бір мезетте қалыптасып отыр.
Нарықта «бұқа» көңіл-күйі қайта жанданды
2025 жылдың төртінші тоқсанында Ethereum бағасы күрт төмендеп, тарихи максимум $4800-ден $2800 деңгейіне дейін құлаған еді. Алайда содан бері жағдай біртіндеп тұрақтала бастады. Қазір ETH шамамен $3100 деңгейінде саудаланып жатыр, бұл әлі де рекордтан 35 пайызға төмен, дегенмен нарықтық көрсеткіштер сұраныстың қайта қалпына келе бастағанын көрсетеді.
Соның бірі - ашық қызығушылықтың (open interest) қайтадан өткен жылғы құлдырауға дейінгі деңгейге оралуы. Бұл трейдерлер мен инвесторлардың Ethereum-ға қатысты белсенді түрде позиция аша бастағанын білдіреді.
Желіні жаңарту күтілімдері бағаны қолдап отыр
Ethereum бағасына оң әсер етіп отырған тағы бір фактор - Hegota және Glamsterdam жаңартуларының дайындалуы. Бұл жаңартулар желінің өнімділігі мен ауқымдылығын арттыруға бағытталған.
Сарапшылардың пікірінше, Ethereum-ның даму жол картасының нарық құрылымымен сәйкес келуі бұрын бірнеше рет бағаның өсуіне түрткі болған.
Стейкинг пен желідегі белсенділік сенімді арттырады
Ончейн деректер де оң динамиканы растап отыр. Ethereum стейкингіне деген қызығушылық артып келеді, жаңа ноданы іске қосу үшін күту мерзімі шамамен 31 күнге жеткен. Ал стейкингтен шығу кезегінің дерлік болмауы инвесторлардың ETH-ті ұзақ мерзімге ұстап отырғанын көрсетеді.
Бағаның қазіргі өсуі негізінен спот нарықтағы бөлшек инвесторлардың сатып алуларымен қолдау тауып отыр, бұл трендтің тұрақты болуына ықпал етеді.
Негізгі деңгейлер - $3500 және $4000
Алдағы уақытта Ethereum үшін маңызды аймақ $3300-3400 деңгейі болып отыр. Егер баға $3500 межесінен сенімді түрде өтсе және ірі макроэкономикалық күйзелістер орын алмаса, нарық деректері $4000 деңгейіне қарай жылдам қозғалыс болуы мүмкін екенін көрсетеді.
«ETH $3500 деңгейінен жоғары бекінсе, нарықтағы жағдай қаңтар айының өзінде $4000-ға дейін жылдам өсуді жоққа шығармайды», - дейді Мал Зейн.
Ethereum 2026 жылға қалпына келе бастаған сұраныспен, белсенді экожүйемен және технологиялық жаңартуларға деген жоғары үмітпен қадам басты. Қазіргі динамика сақталса, ETH алдағы уақытта тарихи максимумдарына қайта жақындауы әбден мүмкін.
