22 қаңтарда Қазақстан кинотеатрларында режиссер Темір Бекмамбетовтің жаңа фильмі — «Казнить нельзя помиловать» прокатқа шығады. Бұл - ғылыми фантастика, экшн, драма мен саспенсті біріктірген, қазіргі қоғам үшін аса өзекті тақырыпты көтеретін кинотуынды, деп хабарлайды DKNews.kz.
Жуырда фильмнің Мехикодағы әлемдік премьерасына орай фанаттарға арналған арнайы іс-шара өтті.
Мехикодағы қызыл кілем және жұлдызды құрам
Фильмнің премьерасы Cinépolis Mitikah кинотеатрында өтті. Қызыл кілемге фильмнің негізгі командасы шықты:
- Крис Пратт
- режиссер Темір Бекмамбетов
- продюсерлер Чарльз Ровен, Маджид Нассиф, Роберт Амидон
- актриса Кали Реис
Іс-шара жанкүйерлермен ашық форматта өтті — фотосессиялар, сұхбаттар және фильмнің идеясы туралы пікір алмасулар ұйымдастырылды.
Посмотреть эту публикацию в Instagram
Премьерадан кейінгі бейресми кеш
Ресми бөлім аяқталған соң, Крис Пратт бүкіл актерлік құрам мен фильммейкерлерді жергілікті мейрамханаға шақырды. Онда олар актердің сүйікті командасы — Seattle Seahawks клубының америкалық футболдан өткен ойынын бірге тамашалады.
Бұл сәттермен актер өзінің ресми Instagram парақшасында бөлісіп, фильмнің атмосферасына тағы бір «адамдық» реңк қосты.
Фильм не туралы
Оқиға жақын болашақта өрбиді. Крис Пратт сомдайтын детектив өз әйелін өлтірді деген айыппен сотқа тартылады. Бірақ бұл - кәдімгі сот емес.
Үкімді жасанды интеллект-судья шығарады. Оның рөлін Ребекка Фергюсон орындайды. Ирониясы сол - кезінде дәл осы ІІ-судьяларды енгізуді басты кейіпкердің өзі қолдаған.
Енді оның 90 минуты ғана бар — өзінің кінәсіз екенін дәлелдеу үшін. Уақыт аяқталған сәтте алгоритм соңғы үкімді шығарады.
Фильм мына жанрлардың тоғысында түсірілген:
- ғылыми фантастика
- экшн
- психологиялық драма
- саспенс
Және маңызды сұрақ қояды: адам тағдырын машина шешуі керек пе?
Жобаның артында кімдер тұр
Жанры: ғылыми фантастика, экшн, драма, саспенс
Режиссері: Темір Бекмамбетов
Сценарий авторы: Марко Ван Белль
Продюсерлері: Чарльз Ровен, Роберт Амидон, Маджид Нассиф
Басты рөлдерде: Крис Пратт, Ребекка Фергюсон, Кали Реис
Қазақстанда қашан көрсетіледі
«Казнить нельзя помиловать» фильмі Қазақстан кинотеатрларында 22 қаңтардан бастап көрсетіледі. Сарапшылардың пікірінше, бұл туынды жыл басындағы ең көп талқыланатын премьералардың біріне айналуы мүмкін — әсіресе технология, этика және болашақ тақырыптары қызықтыратын көрермендер үшін.
