Тоқаев Мирзиёевті Өзбекстан Тәуелсіздігінің 35 жылдығымен құттықтады
Қазақстан одақтастық бағытын тағы растады. Қасым-Жомарт Тоқаев Өзбекстан Президенті Шавкат Мирзиёевті ел тәуелсіздігінің 35 жылдығымен құттықтап, Астана мен Ташкент арасындағы қарым-қатынастың жоғары деңгейіне ерекше назар аударды, деп хабарлайды DKNews.kz.
Қазақстан Президенті Шавкат Мирзиёевке мерекеге орай құттықтау жеделхатын жолдады.
Тоқаев Қазақстан мен Өзбекстанның одақтастығына тоқталды
Мемлекет басшысы Өзбекстанның Тәуелсіздік күні өзбек халқы үшін айрықша мақтаныш екенін атап өтті. Оның сөзінше, бұл мереке ұлттың бірлігі мен тұтастығын, орнықты өсім мен ілгерілеуге деген сенімді қадамын бейнелейді.
Президент құттықтауында екі ел арасындағы көпжылдық достыққа, тату көршілікке және өзара қолдауға жеке тоқталды.
«Қазақстанда бауырлас Өзбекстанның барлық жетістігіне шын жүректен қуанады. Біз халықтарымыздың ғасырлар бойғы достығын, тату көршілігін және өзара қолдауын жоғары бағалаймыз. Біздің сан қырлы ынтымақтастығымыз бұрын-соңды болмаған жоғары деңгейде дамып келеді және стратегиялық серіктестік пен одақтастық рухына толық сай келеді. Алдағы бірлескен жұмыс қол жеткізген нәтижелерді еселеп, мемлекеттеріміздің игілігі үшін қазақ-өзбек қатынастарын жаңа биікке көтеруге мүмкіндік беретініне сенімдімін», — делінген құттықтауда.
Қазақ-өзбек қатынастарына қандай баға берілді
Құттықтаудағы негізгі саяси акцент — Қазақстан мен Өзбекстан арасындағы ынтымақтастықтың «бұрын-соңды болмаған жоғары деңгейге» жеткені туралы баға.
Тоқаев екі елдің байланысын стратегиялық серіктестік және одақтастық деңгейінде сипаттады. Оның пікірінше, тараптардың алдағы бірлескен жұмысы осы нәтижелерді одан әрі нығайтуға мүмкіндік береді.
Бұл мәлімдеме Қазақстан үшін де тікелей мәнге ие. Себебі Президент құттықтауында екі мемлекеттің қарым-қатынасын жай көршілік байланыс емес, өзара қолдауға негізделген одақтастық ретінде атап көрсетті.
Өзбекстан тәуелсіздігінің 35 жылдығын атап өтуде
2026 жылы Өзбекстан мемлекеттік тәуелсіздігінің 35 жылдығын атап өтуде.
Қасым-Жомарт Тоқаев Шавкат Мирзиёевке жауапты мемлекеттік қызметінде табыс, ал бауырлас өзбек халқына бақ-береке мен өркендеу тіледі.
Құттықтаудың ең басты саяси тұжырымы екі ел арасындағы қатынастың қазіргі деңгейіне қатысты болды: Қазақстан Президенті қазақ-өзбек ынтымақтастығын стратегиялық серіктестік пен одақтастық рухына толық сай деп бағалады.
