Баптау
Тіл
Тақырып
Жаңарту

Биыл Қарағанды облысының 40 мыңнан астам тұрғыны жұмыспен қамту шараларымен қамтылады

685
Фото: АР

Қарағанды облысында биыл 2021–2025 жылдарға арналған кәсіпкерлікті дамыту жөніндегі ұлттық жобаны іске асыру барысында жұмыспен қамту шараларымен 41 мың адамды қамту жоспарлануда. Өңірдің жұмыссыз тұрғындары «Жастар тәжірибесі», «Алғашқы жұмыс орны», «Ұрпақтар келісімшарты» жобаларын пайдалана алады, деп хабарлайды Деловой Қазақстан.

«Жастар тәжірибесі» жобасына колледждер мен жоғары оқу орындарының 29 жастан аспаған түлектері қатыса алады. Биыл осы бағдарлама бойынша 721 адамды жұмысқа орналастыру жоспарлануда.

Жастар тәжірибесінен өту ұзақтығы 12 айға дейін созылады. Сондай-ақ 30 АЕК мөлшерінде жалақы есептеледі.

«Бірінші жұмыс орны» жобасына жұмыс тәжірибесі жоқ түлектер немесе халықты жұмыспен қамту орталықтарында тіркелуіне қарамастан жұмыссыздар, сондай-ақ NEET санатындағы 29 жастан аспаған жастар қатыса алады.

Бұл ретте жобаға қатысушылар 18 ай ішінде мемлекеттен 30 АЕК мөлшерінде субсидияланған жалақы алатын болады. Жыл басынан бері өңірде осы бағдарлама бойынша 40 адам жұмысқа орналастырылды. Жыл соңына дейін 238 адамды қамтуды жоспарланып отыр.

Бұдан басқа, зейнеткерлік жасқа жеткен жұмыс істеп жүрген қызметкерді кейіннен ауыстыра отырып, жұмысқа орналастыру үшін өңірде «Ұрпақтар келісімшарты» жобасы іске асырылуда.

Биыл жобаға қатысу үшін екі адам жіберілді. Жыл соңына дейін 34 адамды жұмысқа орналастыру жоспарланып отыр.

Өңір тұрғындары электрондық еңбек биржасының www.enbek.kz порталы арқылы жұмыс таба алады және жобаларға қатысуға өтінім бере алады. Бүгінгі таңда оның базасында 8222 бос жұмыс орны бар. Цифрлық платформаны ұялы телефон арқылы да, өзіне-өзі қызмет көрсетудің 32 аймағы жабдықталған Облыстың ХҚКО-ларында да пайдалануға болады.

Қарағанды облысының жұмыспен қамтуды үйлестіру және әлеуметтік бағдарламалар басқармасының ақпараты бойынша

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Приложение DKNews для Android Приложение DKNews для iPhone
МИА «DKNews» © 2006 -