Елордалық дәрігерлер бүйрегінде ірі тастар бар науқасты құтқарып қалды

1250

Бүйрек патологиясы бар науқастың өмірге қайта оралуына №2 қалалық урология орталығының дәрігерлері көмектесті, деп хабарлайды DKNews.kz.

Бұл сырқат белгілерін көп адам уақытында байқамай жатады, ал мұндай оталар урологияда бірегей болып саналады, деп хабарлайды елорда әкімдігінің ресми сайты.

Науқас 19 жасынан бастап осы сырқаттан зардап шегіп келеді. Ол бірнеше рет ота жасалғанына қарамастан ауруы басылмағанын айтады.

Пациент хирургиялық емделу үшін көптеген урологиялық клиникаларға барғанмен жағдайдың күрделілігіне байланысты бас тартыпты. №2 қалалық аурухана дәрігерлері науқасқа перкутандық нефролитотрипсия операциясын ұсынды. Бұл операцияның бірегейлігі – оның денеде кішкентай жарақат түрінде жасалуында, бел аймағында 1 см кесу арқылы өтеді, осылайша бүйрек тастары лазердің көмегімен жойылады.

Науқаста бір уақытта екі жағынан эндоскопиялық түрде бүйрек тастары алынды.

Қалалық урология орталығының жетекшісі Асқар Жашеновтің айтуынша «маржан тастарының хирургиясы» урология саласындағы ең жоғары бірегей көрсеткіш болып саналады.

Отадан кейін пациенттің жағдайы жақсарып, қанның барлық көрсеткіші мен бүйрек қызметі қалыпқа келді.

«Тәжірибеде нефролитиаздың күрделі формалары кездеседі, егер тиісті түрде уақытылы емделмеген болса, бүйректің функционалды күйінің жоғалып, нәтижесінде терминалды бүйрек жеткіліксіздігі пайда болады және жасанды бүйрек аппаратын қосу қажеттілігі туындайтын еді»  Юрий Пак, директордың хирургиялық көмек жөніндегі орынбасары

Қазір науқас өзін жақсы сезінеді, енді емханадағы дәрігерлер бақылауында амбулаториялық ем алатын болады.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -