Әл-Фараби атындағы Қазақ ұлттық университетінде ғылым апталығы аясында жас ғалымдар байқауының жеңімпаздары марапатталды, деп хабарлайды DKNews.kz.
Шараға Әл-Фараби атындағы ҚазҰУ-дың Басқарма Төрағасы – Ректоры Жансейіт Түймебаев, «Tanmedia Group» директорлар кеңесінің төрағасы, ҚазҰУ Директорлар кеңесінің мүшесі Арманжан Байтасов, Ұлттық мемлекеттік ғылыми-техникалық сараптама орталығының Президенті Арман Қашқынбеков, оқу ордасының оқытушы-профессорлар құрамы мен жас ғалымдар қатысты.
Байқау жеңімпаздарын университет ректоры Жансейіт Түймебаев құттықтап, жас ғалымдардан болашақта үлкен үміт күтетінін жеткізді.
Студенттік бизнес-инкубаторлардың үздік инновациялық жобалары байқауының жеңімпаздарына сертификаттар табысталды.
Өз кезегінде іс-шараға қатысқан Арманжан Байтасов пен Арман Қашқынбеков сөз сөйлеп, байқау жеңімпаздарын құттықтап, ғылыми ізденістеріне табыс тіледі.
