Қарағанды кеншілер мәдениет сарайы Республика күніне орай оқушылар арасында "Қыран елім – Қазақстаным!" патриоттық әндер байқауын өткізеді, деп хабарлайды DKNews.kz.
Қатысуға өтінімдер 10 қазанға дейін мына электрондық мекенжай бойынша қабылданады: dkg.to@mail.ru.
Шығармашылық жарыстар бір турдан тұрады және екі жас санатында өтеді – 9–12 және 13–17 жас. Қатысушы Отан, Туған жер және ел туралы бір ән орындауы керек.
Талаптар:
- репертуардың конкурс шарттарына сәйкестігі;
- музыкалық сүйемелдеу сапасы (аранжировка);
- әнді (–) немесе музыкалық аспаптың сүйемелдеуімен орындау;
- сахналық образ, әртістік.
Қазылар алқасы вокалдық деректерді, орындаушылық шеберлікті, вокалдық техниканы (интонация және орындау стилі, тазалық) және сахналық бейнені бағалайды.
Патриоттық ән байқауы 16 қазанда сағат 11:00-де Кеншілер мәдениет сарайында өтеді.
Сұрақтарды мына телефондар арқылы алуға болады: 41-27-26, 8-707-121-83-99, 8-702-164-81-87.
