Президент көгалдандыру акциясына қатысты.
Қасым-Жомарт Тоқаев жастар және экоактивистермен бірге Президент саябағы аумағына ағаш отырғызды, деп хабарлайды DKNews.kz.
Мемлекет басшысының республикалық «Таза Қазақстан» экологиялық акциясына қатысқаны туралы Ақорда хабарлады.
Тоқаев жастармен бірге ағаш отырғызды
Бұл жолы экологиялық акция Президент саябағында өтті. Қасым-Жомарт Тоқаев жастар өкілдері және экоактивистермен бірге ағаш отырғызуға қатысты.
«Таза Қазақстан» бастамасында жастардың қатысуына ерекше мән беріледі. Президент бұған дейін де бұл жобаны тек аумақтарды тазалау немесе көшет отырғызумен шектемей, қоршаған ортаға ұқыпты қарау мәдениетін қалыптастырумен байланыстырып айтқан.
Астанада 2026 жылы 1 миллион жасыл желек отырғызу жоспарланған
Президенттің акцияға қатысуы елордадағы ауқымды көгалдандыру жұмыстары жүріп жатқан кезеңге сәйкес келді.
2026 жылы Астанада 1 миллион жасыл желек, соның ішінде ағаш, көшет және бұта отырғызу жоспарланған.
Посмотреть эту публикацию в Instagram
Президент саябағы Есіл өзені бойында қалыптасып жатқан саябақтар кластерінің бір бөлігі саналады. Бұл аумаққа Бейбітшілік және келісім саябағы мен Триатлон паркі де кіреді.
Есіл ауданындағы жасыл қорда шамамен 240 мың ағаш және 600 мың бұта бар. 2026 жылдың басынан бері бұл ауданда 40 мыңнан астам жасыл желек отырғызылған.
«Таза Қазақстан» сенбілік аясынан шықты
«Таза Қазақстан» жобасының ауқымы уақыт өте кеңейді.
2026 жылғы қыркүйектегі Жолдауында Қасым-Жомарт Тоқаев акция аясында 860 мың гектардан астам аумақ тазартылып, 4 миллионнан астам ағаш отырғызылғанын айтқан.
Президент бұл бастаманы экологиялық мәдениетпен және елді мекендерге ұқыпты қараумен байланыстырады. Оның айтуынша, жұмыс бір реттік тазалық шараларымен немесе көшет отырғызумен ғана шектелмеуі керек.
Президент саябағындағы бүгінгі ағаш отырғызу да Астананы көгалдандыру бойынша жүргізіліп жатқан кең ауқымды жұмыстың бір бөлігі болды.
Бұған дейін біз «Таза Қазақстан» акциясының қалай кеңейіп келе жатқаны және оның қалаларды абаттандыру мен қоғамдық кеңістіктерді дамытуға ықпалы туралы жазған едік.
