Денсаулық сақтау саласындағы Дебюрократизация: электрондық құжат айналымы мәселелерді шешеді

302
Фотосурет: freepik.com

Денсаулық сақтау саласын бюрократиядан арылту шеңберінде талдау жүргізу барысында ҚР Мемлекеттік қызмет істері агенттігінің Ақмола облысы бойынша департаменті санитариялық-эпидемиологиялық бақылау органдарының қызметінде электрондық құжат айналымы жүйесінің болмауынан туындаған проблемалар анықтады, деп хабарлайды DKNews.kz.

Соның салдарынан көбінесе жағдай тұрғындардың санитариялық-эпидемиологиялық әл-ауқатын қамтамасыз ету үшін шұғыл шараларды талап еткеніне қарамастан, аталған мемлекеттік органдар құқық қорғау органдары, жергілікті билікпен және басқа да ұйымдармен ақпараттық алмасуда маңызды жұмыстардан гөрі пошта жеткізілімін, курьер қызметтерін пайдалану, тексеру материалдарын, әкімшілік істерді сканерлеу сияқты қыруар уақыт талап ететін нәрселерге көңіл бөлуге мәжбүр болған.

Сол себепті аудандық санитариялық-эпидемиологиялық бақылау басқармаларының талдау жұмыстарына қатысқан барлық қызметкерлері ақпараттық қауіпсіздік талаптарына сәйкес келетін электрондық құжат айналымын енгізу қажеттігін атап өтті.

Мұндай ақпараттық жүйелер көптеген мемлекеттік органдарда бар, оларды жұмыста пайдалану қағаз, фирмалық бланкілерге, курьерлік жеткізу қызметтерін сатып алу шығындарын қысқартуға, сондай-ақ тұтастай алғанда азаматтардың өтініштерін дұрыс шешу үшін ведомствоаралық өзара іс-қимылдың тиімділігі мен жеделдігін арттыруға мүмкіндік берді.

Осыған байланысты Департаментпен Мемлекеттік қызмет істері агенттігінің орталық аппаратына санитариялық-эпидемиологиялық бақылау органдарында электрондық құжат айналымы жүйесін орнату қажеттілігі туралы ұсыныс енгізілді.

Нәтижесінде, 2023 жылдың қаңтар айынан бастап аудандық және қалалық санитариялық-эпидемиологиялық бақылау қызметтерінде электрондық құжат айналымының бірыңғай жүйесі енгізілді. Аталған мемлекеттік органдардың мемлекеттік қызметшілері өз жұмысының тиімділігін арттыруда мұндай өзгерістердің сөзсіз пайдасын атап өтті.

Телеграм-канал «Нефть и Газ Казахстана. Факты и комментарии». Ежедневные новости с краткими комментариями. Бесплатная подписка.

«DKNews» халықаралық ақпараттық агенттігі Қазақстан Республикасының Мәдениет және ақпарат министрлігінде тіркелген. Есепке қою туралы куәлік № 10484-АА 2010 жылдың 20 қаңтарында берілді.

Тақырып
Жаңарту
МИА «DKNews» © 2006 -