2023 жылғы 19 қазанда Қазақстан Республикасы Президентінің жанындағы Орталық коммуникациялар қызметінде «19 қазан-Құтқарушы күні» тақырыбында баспасөз конференциясы өтті, деп хабарлайды DKNews.kz.
Спикер болып Төтенше жағдайлар министрі Сырым Дүйсенғазыұлы Шәріпханов сөз сөйледі.
2023 жылғы 19 қазанда азаматтық қорғау органдарына 28 жылға толды. 1995 жылғы 19 қазанда Қазақстан Республикасының Төтенше жағдайлар жөніндегі мемлекеттік комитеті – елдің табиғи және техногендік сипаттағы төтенше жағдайлар және азаматтық қорғаныс саласындағы уәкілеттік берілген орталық атқарушы орган ретінде құрылды.
Қазақстан Республикасы Төтенше жағдайлар жөніндегі мемлекеттік комитетінің құрылған күні азаматтық қорғау жүйесінің кәсіби мерекесі – Құтқарушы күні болып табылады.
1995 жылдан бастап азаматтық қорғау жүйесі айтарлықтай өзгерістерге ұшырады. Орталық атқарушы органдардың құрылымын жетілдіру шеңберінде МКЖС комитет, агенттік, министрлік болып қайта құрылды, ІІМ жүйесінде болды, одан әрі 2020 жылы министрлік қайта құрылды. Барлық кезеңде төтенше жағдайларды жою қызметі кәсіби түрде дамып, құтқару бөлімшелерімен толықтырылды.
ТЖ қызметтерімен жұмыс істеген жылдары (1995-2023 жылдар) төтенше жағдайларды жоюға 1,5 млн. астам шығу жасалды. Өрт сөндірушілер мен құтқарушылардың қызметі, кәсібилігі, жеделдігі арқасында 413 мыңға жуық адам құтқарылды, ТЖ түрлі аймақтарынан 380 мыңға жуық адам эвакуацияланды, 70 мыңнан астам зардап шеккен адамға медициналық көмек көрсетілді.
Елімізде өртке қарсы және құтқару қызметтері жұмыс істеген кезде қызметтік міндеттерін атқару кезінде 69 қызметкер қаза тапты.
Жыл сайын орта есеппен 18 мыңнан астам табиғи және техногендік сипаттағы ТЖ, оның ішінде 15 мың өрт тіркеледі. ТЖ аймағынан құтқарушылар 8 мың азаматты құтқарады, 20 мыңнан астам адамды эвакуациялайды, 4,5 мың зардап шеккен адамға медициналық көмек көрсетіледі.
2023 жылдың басынан бастап құтқару бөлімшелері өртке және авариялық-құтқару жұмыстарына 65 мыңнан астам рет шықты, 9,5 мыңнан астам адам құтқарылды, ТЖ аймағынан 10 мыңнан астам адам эвакуацияланды, 4 мың зардап шеккен адамға алғашқы медициналық көмек көрсетілді.
Азаматтық қорғау органдарында 27 мыңнан астам қызметкер қызмет атқарады.
Еліміздің азаматтық қорғау жүйесін жетілдіру бойынша елеулі жұмыстар атқарылды, бұл заңнаманы қабылдау, төтенше жағдайлардан қорғау үшін жаңа объектілер салу, құтқару және өрт техникасы мен жабдықтарын сатып алу, Азаматтық қорғау органдары қызметкерлерінің жалақысын арттыру, қызмет өткеру жағдайларын жақсарту, кәсіби кадрларды даярлау, өрт-құтқару спорты мен халықаралық ынтымақтастықты дамыту.
Осылайша, 1,5 мыңнан астам өрт-құтқару автотехникасы мен 20 мың өрт-құтқару жабдығы мен жарағы сатып алынды. 30-дан астам өрт сөндіру депосы салынды.
Азаматтық қорғау академиясының қабырғасынан азаматтар мен мемлекет аумағының табиғи және техногендік сипаттағы төтенше жағдайлардан қауіпсіздігін қамтамасыз ете отырып, күндіз де, түнде де қызмет атқаратын 5 мыңнан астам маман шығарылды.
Табиғи және техногендік сипаттағы ТЖ алдын алуға мүмкіндік беретін бірқатар ірі жобалар іске асырылды: Алматы облысының Талғар, Қарғалы өзендерінде су тасқынына қарсы Көксарай (Сырдария өзенінде) және Астана қарсы реттегіштері, селді ұстап тұратын бөгеттер салынды. Ақсай, Енисай, Қорғас өзендерінде төрт инвестициялық жоба іске асырылуда, олардың аяқталуы 2025 жылға жоспарланған.
Сондай-ақ, біздің құтқарушыларымыз Түркия мен Ауғанстандағы жойқын жер сілкіністерінің салдарын жоюға қатыса отырып, халықаралық деңгейде өз кәсібилігін дәлелдеді. Қиын экстремалды жағдайларда және жерасты дүмпулерінің жалғасуына қарамастан, құтқарушылар үйінділерді бөлшектеп, адамдарды эвакуациялау және құтқару, зардап шеккен адамдарға медициналық көмек көрсету жұмыстарын жүргізді.
Соңғы үш жылда ғана Түркия Республикасына, Сирия Араб Республикасына, Украинаға, Тәжікстан Республикасына, Ауғанстан Республикасына, Қырғыз Республикасына көмек көрсетілді.
ТЖМ трансформациясы бойынша жұмыс жүргізілуде. Ең алдымен ТЖ салдарын жою жүйесінен төтенше жағдайларға ден қоюға дайындығын арттыру арқылы олардың алдын алуға және тәуекелдерді азайтуға көшу, сондай-ақ ТЖМ дамытуда жаңа тәсілдерді енгізу көзделеді.
Бүгінгі таңда ТЖМ жедел ден қою жүйесі бар, төтенше жағдайлардың алдын алу және оларды жою жөніндегі міндеттерді шешетін және осындай қуатты құрылымның оң имиджі өздігінен туындамайтын тиімді ведомстволардың бірі болып табылады. Оны шынайы адамдар, біздің қызметкерлер жасайды, олар өз өмірін қауіпке тігіп, күнде батырлық танытып, азаматтардың қауіпсіздігін қамтамасыз етеді.
Азаматтық қорғау органдарының қызметкерлері өздерінің қызметтік міндеттерін күнделікті орындай отырып, басқаларды құтқару үшін өз өмірін қауіпке тігіп, өздерінің кәсібилігі мен жанқиярлығын дәлелдейді.
