Орал қаласында орналасқан 5517 әскери бөлімінің базасында «Батыс» өңірлік қолбасшылығының жауынгерлік дайындық жоспарына сәйкес рота командирлерімен үш күндік оқу-әдістемелік жиыны басталды, деп хабарлайды DKnews.kz.
Жиынға Атырау, Ақтөбе, Ақтау және Орал гарнизондарынан келген 30-дан астам рота командирлері қатысуда.
Оқу-әдістемелік жиын шеңберінде офицерлердің кәсібилігін жетілдіру, әскери тәртіпті нығайту, дене шынықтыру деңгейін арттыру, жеке құрамды оқыту және тәрбиелеу бойынша міндеттер айқындалады.
"Оқу-әдістемелік жиын барысында офицерлер біріншіден өздерінің теориялық және практикалық білімдерін шыңдайды. Сонымен қатар әр өңірден жиналған рота командирлері осы жерде бір-бірімен тәжірибе алмасады. Осы жиынды өткізудегі басты мақсатымыз офицерлер өздерін дамытып, осында үйренгендерін, көрген-білгендерін өз қалаларына барып, өздерінің жеке құрамына үйрету" «Батыс» өңірлік қолбасшылығы қолбасшысының орынбасары полковник Мирас Турдалин
Ұйымдастырылып отырған оқу-әдістемелік жиын далылық жағдайда, яғни полигонда өтуде. Ол жерде жиынға қатысушылар дене шынықтыру, атыс өнер дайындығы бойынша практикалық сынақтар мен нормативтерді тапсырады. Сондай-ақ байланыс, әскери топография және әскери-медициналық даярлық, тактика сияқты пәндер бойынша сынақтардан өтетін болады. Оқу-әдістемелік жиынның қорытындысы бойынша үздік офицерлер «Батыс» өңірлік қолбасшылығының құқығымен марапатталады.
