Бейбіт Исабаев АЭС бойынша референдумда дауыс берді, деп хабарлайды DKnews.kz.
Облыс әкімі Бейбіт Исабаев жұбайымен бірге Талдықорған қаласының Ілияс Жансүгіров атындағы Мәдениет сарайында №389 референдум учаскесінде дауыс берді, деп, хабарлайды облыс әкімінің баспасөз қызметі.
"Бүгін тарихи маңызы бар күн. Конституцияға сәйкес мен де өзімнің құқығымды пайдаланып, сайлау учаскесіне келіп, даусымды бердім. Өзімнің таңдауымды жасадым" Облыс әкімі Бейбіт Исабаев
Айта кетейік, Жетісу облысында 463 сайлау учаскесі бар, олар таңғы сағат 07:00-ден бастап жұмыс істейді. Өңірдегі сайлаушылар саны - 442 мыңнан астам.