Алматы облысында Өтеген Батыр ауылының балалар мен жасөспірімдер спорт мектебінде Кеңес Одағының Батыры, Қазақстанның Халық батыры Сағадат Нұрмағамбетовтың туғанына 100 жыл толуына орай жасөспірімдер арасында джиу-джитсудан «Sagadat Batyr» халықаралық ашық турнирі өтті, деп хабарлайды DKnews.kz.
4 жастан 13 жасқа дейінгі Қазақстан, Қырғызстан және Өзбекстаннан 400-ден астам спортшы қатысты. Жас спортшылардың жекпе-жегін Халық қаһарманы, генерал-полковник Сәт Тоқпақбаев, Олимпиада чемпионы Василий Жиров және Сағадат Нұрмағамбетовтің қызы Айсұлу Нұрмағамбетова сияқты құрметті қонақтар тамашалады.
Турнирдің басты мақсаты – қаһарман батырларымыздың ерлігін ұлықтау, спорт пен салауатты өмір салтын насихаттау.
