Астана қаласы бойынша Мемлекеттік кірістер департаменті 2025 жылғы 1 қаңтардан бастап 270.00 нысаны бойынша кірістер мен мүлік туралы декларацияны ұсыну бойынша міндет сақталатынын хабарлайды, деп хабарлайды DKnews.kz.
Ол азаматтардың келесі санаттарына қолданылады:
- мемлекеттік қызметшілер және оларға теңестірілген адамдар (оның ішінде квазимемлекеттік сектордың басшылары мен құрылтайшылары) және олардың жұбайлары;
- банктердің, бағалы қағаздар нарығының, сақтандыру ұйымдарының ірі қатысушылары және олардың жұбайлары;
- коммерциялық ұйымдардың басшылары мен құрылтайшылары (қатысушылары) (АҚ-да дауыс беретін акциялардың 10% - дан астам және одан да көп үлесі) және олардың жұбайлары;
- жеке практикамен айналысатын тұлғалар;
- шетелде мүлкі бар тұлғалар (240.00-нысанды ұсыну тәртібіне ұқсас);
- ЖК табысын қоспағанда, өз бетінше салық салынатын табыс алған тұлғалар;
- ҚР-да және одан тыс жерлерде жиынтық құны 20 000 АЕК-тен асатын ірі мүлікті сатып алған тұлғалар.
Бұл ретте азаматтар декларацияны e-Salyq Azamat мобильді қосымшасы, Салық төлеуші кабинеті (cabinet.salyk.kz), "Электрондық үкімет" порталы (egov.kz) көмегімен өз еркімен бере алады.
