2024 жылғы қарашада Қаржы нарығын реттеу және дамыту агенттігінің (Агенттік) тұтынушылардың құқықтарын қорғау мәселелері бойынша қызметі негізінен қарыз алушылардың тұтынушылық қарыз бойынша берешекті қайта құрылымдауға жәрдемдесу туралы жолданымдарын қараумен және олардың борыш жүктемесін азайту шараларын қабылдаумен байланысты болды, деп хабарлайды DKnews.kz.
2024 жылғы қарашада Агенттік жеке және заңды тұлғалардың қаржы ұйымдары мен коллектрлық агенттіктердің қызметіне байланысты 13 481 жолданымын қарады, бұл 2024 жылғы қазанмен салыстырғанда 8,8%-ға көп.
Жолданымдардың ең көп үлесі – жолданымдардың жалпы санының 58,3%-ы банк секторына тиесілі. Микроқаржылық қызметті жүзеге асыратын ұйымдардың қызметі мәселелері бойынша жолданымдар жалпы санның 29,4%-ын, сақтандыру нарығы субъектілерінің 1,1%-ын, атауы көрсетілмеген қаржы ұйымдарының 3,1%-ын, коллекторлық агенттіктердің 4,7%-ын, өзге ұйымдардың 3,4%-ын құрады.
Агенттік 2024 жылғы қарашада 7 ұсынымдық қадағалап ден қою шарасын, 2 жазбаша ұйғарым, 1 жазбаша ескерту, әкімшілік құқық бұзушылықтар туралы 103 хаттама бойынша жалпы сомасы 42,3 млн теңгеге 11 әкімшілік жаза қолданды, оның ішінде:
- банктерге қатысты 4 ұсынымдық қадағалап ден қою шарасы; әкімшілік құқық бұзушылықтар туралы 3 хаттама бойынша жалпы сомасы 2,2 млн теңгеге 3 әкімшілік жаза;
- банк операцияларының жекелеген түрлерін жүзеге асыратын ұйымдарға қатысты 3 ұсынымдық қадағалап ден қою шарасы;
- микроқаржылық қызметті жүзеге асыратын ұйымдарға қатысты
2 жазбаша ұйғарым, 1 жазбаша ескерту, әкімшілік құқық бұзушылықтар туралы 99 хаттама бойынша жалпы сомасы 39,7 млн теңгеге 7 әкімшілік жаза; - коллекторлық агенттіктерге қатысты әкімшілік құқық бұзушылықтар туралы 1 хаттама бойынша 369 мың теңге сомасына 1 әкімшілік жаза қолданылды.
Агенттік жалғыз баспананы сақтап қалуға және борыш жүктемесін төмендетуге бағытталған Ипотекалық тұрғын үй қарыздарын (ипотекалық қарыздарды) қайта қаржыландыру бағдарламасын (бұдан әрі – Бағдарлама) үш бағыт бойынша іске асыруда.
Бағдарламаның 2004 – 2009 жылдар аралығындағы кезеңде ипотекалық қарыз алған қарыз алушылардың, сондай-ақ 2010-2020 жылдар кезеңінде ипотекалық қарыз алған әлеуметтік тұрғыдан осал санаттағы қарыз алушылардың жалғыз баспанасын сақтауға бағытталған бірінші бөлігі шеңберінде 2024 жылғы 1 желтоқсандағы жағдай бойынша банктер 203 млрд теңге сомаға 32,7 мың қарызды қайта қаржыландырды.
Бағдарламаның 01.01.2016ж. дейін берілген валюталық ипотекалық қарыздарды конвертациялауға/қайта қаржыландыруға бағытталған екінші бөлігі шеңберінде банктер 114 млрд теңге сомаға 15,7 мың валюталық ипотекалық қарызды конвертациялауды/қайта қаржыландыруды жүргізді. Валюталық қарыздарды конвертациялау /қайта қаржыландыру 2025 жылғы 31 желтоқсанға дейін жүргізіледі.
Бағдарламаның үшінші бөлігі шеңберінде банктер қарыздары бұрын Бағдарлама шеңберінде қайта қаржыландырылған ХӘОТ-қа жататын ипотекалық қарыз алушыларға қосымша қаржылай қолдау шараларын көрсету жұмысын жүргізуде. Қолдау шаралары қарыз алушының берешегін азайту, өтеудің жеңілдетілген кестелерін белгілеу, сондай-ақ банктің балансында тұрған жалғыз баспананы қарыз алушының меншігіне қайтару түрінде көрсетілуде. 01.12.2024ж. жағдай бойынша 10,6 мың қарыз алушыға 91,3 млрд теңге сомасында қосымша қолдау шаралары көрсетілді. Ипотекалық қарыз алушыларға көмек көрсету мерзімі 2025 жылғы 31 желтоқсанға дейін ұзартылды.
