Қазақстан Республикасы Ұлттық ұланы «Батыс» өңірлік қолбасшылығына қарасты Ақтау қаласында орналасқан 6656 әскери бөлімінде әскери қызметшілердің балаларына арналған жаңа жылдық шырша өткізілді, деп хабарлайды DKnews.kz.
Аталмыш шараға арнайы қатысқан бөлім командирі полковник Болатбек Мұқамбетқалиев, бүлдіршіндерді келе жатқан Жаңа 2025 жыл мерекесімен құттықтап, ыстық лебізін жеткізді.
Аяз ата мен Ақшақарды асыға күткен әскерилердің балалары өздерінің дайындаған тақпақтарын, әндерімен билерін ұсынды. Өз кезегінде Аяз ата мен Ақшақар өздерін асыға күткен балаларға сыйлықтарын шашу етті.
